قطب الشوف _

السعيد عبدالغني
شاعر
(Elsaied Abdelghani)

الحوار المتمدن-العدد: 7298 - 2022 / 7 / 3 - 11:44
المحور: الادب والفن
    

هدمت كل حاجة من الاول

واحدة واحدة بالاجنة والشاكوش وصريخى في الشوارع

بالعلم والشعر والهيلتي الكبير الجنون

انا برا نفسي

اتفرج واتحسر على اللى هيجرى

اطلع بسقالة المجاز

من رجلي لعيني

اكسر نني وانزِل حاجبي

وانط في المعنى بسرعة

عشان الاقي قطب الشوف

اللى حجب نفسه من اللى راده

وساوى بينه وبين كتير

وبقى في القلب بس عيان وكبير.

هدمت اللى شفته في البيت

وسط اهلي ومجالس الغيط

لعل وعسى الاقي لنفسي خيط

ويكر ويكر ويتنسل على الكلام.

مين اللى خدمته في حياتي؟

كان غريب جوايا معرفوش

كبر كلني حتة حتة

ومهربتش من سنانه

ومفتلتش عزا من خوفي

ولا من عالم مستحيل.

الروح كانت سبطة نور

بس رطبها عفن ووقع على الارض البور

عفنت الزرعة وهي صغيرة

ومشيعهاش حد حتى اللى قتلها

وبارت الأرض من ضل السور

اللي اترسم من قلب الزور.

اتكورت جوا نفسي في جُحر المعنى

زي درويش في حضرة

لف كتير جوا نفسه وكره برا

من كتر ما قشره وعرى

اتكورت بعد ما رشوني بالكلور

وقالوا التعاويذ

وغمسوني بالزيت

وولعوا البخور

ونضفوا قال إيه روحي من وسخها

ومن ثورتها ومن عش الدبابير

شفت كتير بيها يا بيه برا النور

عديت الحد وكسرت الحد

وطيرت كتير معاك برا زمنا.

بَزُك الوقتي جوايا

قُدامي وورايا

ما جفني شمعوه

وسابوا الديب عليا

والشوف كله ضلمة.


اتكورت لحد ما اختفيت

وبقيت هالك الدنيا

راح البراح في السكك

ونشف لبن الأرض الأيمة

مِلِح سكر القهوة

ومِلحت القعدة في السهرة

وزهدت في كل غية

حتى في الضمنة والطاولة

والبص على الكتب في الازبكية

من ديوان " في البدء كان العنف الأشعر" ل السعيد عبدالغني
لينك الديوان:
https://foulabook.com/ar/book/%D9%83%D8%AA%D8%A7%D8%A8-%D9%81%D9%8A-%D8%A7%D9%84%D8%A8%D8%AF%D8%A1-%D9%83%D8%A7%D9%86-%D8%A7%D9%84%D8%B9%D9%86%D9%81-%D8%A7%D9%84%D8%A3%D9%8E%D8%B4%D8%B9%D8%B1-pdf

#السعيد_عبدالغني (هاشتاغ)       Elsaied_Abdelghani#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل