يسمره

كاظم الجوهر

الحوار المتمدن-العدد: 6803 - 2021 / 2 / 1 - 10:02
المحور: الادب والفن
    

*** يسمره ***
يسمره منيلج هالزين ....... امٌج سوده وانتي تبضٌين
منيلج هذا ألتغنج وألحسن ....... ومنين شردتنا منين
***
يسمره وألحسن زايد ....... تبدٌه وغرٌك ألصوبين
غرٌك كل ألكزيزه ....... وعبر لبيوت ألمعلمين
هدٌم صفحة ألسده ....... ما ردٌاه حي حطين
عمي وصاحت ألوادم ....... يسمره منيلج هالزين
***
يسمره ألسعد لاكاني ....... يبجي ويلطم ألخدين
حشم كاظم الحكني ....... سمرتك عدٌت ألحدين
تكول آنه لاعطرنك ....... وانت نومتك بالطين
تصيح ألناس وألعطار ....... سمره منيلج هالزين
***
يسمره امشي ألعباس ....... من تمشين لاتدبجين
حجلج يمرد افوادي ....... رنينه يزرٌف ألريتين
جدمج مايمض بالكاع ....... وألدوسه ترى بضلعين
كل هذ ألدليل يصيح ....... سمره منيلج هالزين


***
امام ألجامع توٌسل ....... دخيلج رحمي ألمصلٌين
وكت ألفجر عند ألظهر ....... عند ألمسا مو تخطين
عمي ألوادم تهوهي ....... ألسبح ماتثبت بايدين
تمتم حتى ألمأذن ....... مايدري جبلته منين
سمره منيلج هالزين ....... امٌج سوده وانتي تبضٌين
منيلج هذا ألتغنج وألحسن ....... ومنين شردتنا منين
***
ملاحظة / قصيدتي ألشعبية / يسمره .. نظمتها بنهاية
ألستينيات في ألبصرة / ألعراق .مع مودة / كاظم شنو.
20210131
[email protected]

#كاظم_الجوهر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات