حوار متقاعد مع شاب

احمد عناد

الحوار المتمدن-العدد: 6793 - 2021 / 1 / 20 - 11:14
المحور: كتابات ساخرة
    

في الكيا
شايب متقاعد يتكلم مع شاب ..
بيد فايل عمي
اي والله عمي هذا الفايل رقم 16اقدم تعيين وما احصل واني خريج .
الشايب
عمي ليش تريد تعين بوظيفة حكومية
الشاب
عمي حتى اضمن مستقبلي. وحياتي المعيشية وباجر هم اكو تقاعد يفيديني
الشايب
عمي بس هذني لو بعد عندك شي خاف هم تفكر تستفاد من الوظيفه مثل هواي ناس
الشاب
لا عمي هذا الي كتلك بيه وبس ونريد الله يسترنه
الشباب
عدل كعدته وكله شوف عمي اني متقاعد ومراح اكلك وين جنت اشتغل لا مكاني كان ممكن احقق هواي اشياء لكن كضيت خدمتي بشرف وخدمة الدولة 38سنه وبديت براتب بسيط ودرجة بالوظيفة وراحت مني هواي حقوق بذاك الوكت وهذا وكتنه لان ما جنت امسح جتافات المسؤلين والمدراء حتى احصل ترقيات ومناصب هاي وحدة الثاني عشت بشضف العيش وجنت كبل ما يخلص الشهر اكضيه تلزيك ونوبات دين اذا مرض واحد من العائلة او حالة طارئة تاثر على الميزانية اما مصاريف الاولاد والكليات بس الله يدري شلون جان تتدبر وترهم المهم هواي احلام جنت احلم بيه من جنت شاب وتزوجت لكن بديت اتخلى عنهن وحدة ورة الثانية الى ان صارت مهمتي بس شلون ادبر العيشة المهم ويه هذا الزمن وتقدم العمر ما احجيلك سكر ومفاصل وانزلاق والجسم ما يتحمل وطلعت تقاعد من الخدمة حتى وكت هدية المدير العام انقرضت للمحال على التقاعد وتالي البهذلة مال المعاملة وهم فضت وهسة نص راتبي التقاعدي للادوية والاطباء ويجوز اكثر ومن سويت عملية قبل ست اشهر سويت قرض على الراتب التقاعدي ويه الارباح طار ثلث من الراتب وما بقة بس تفاليس ياعمي
هسة شتكول عمي بالوظيفة زينة موزينة تأمن مستقبلك ومستقبل اولاد لو لا .
الشاب
عمي هذا اسمحلي اكلك يسمونه لطم شمهوده
الشايب
اي عمي مثل ما كلت النتيجة عمي شوف انته بعدك بحيلك وشاب والشهادة تعلكت بالحايط اذا مو ضامه بالبوفية لان احنة بالعراق بس الاطباء يعلكون شعائرهم بالحايط ويفتخر بيه وبعدين يتحول الى مصاص دم
عمي فكر بروحك وسوي مشروعك الخاص ولاتستهين بيه لان اني استهانيت بمشروع وهاي تاليتي كدامك هذا وضعي ..
وتكدر تدفع ضمان وبعد سنين تكدر تاخذ راتب تقاعدي لكن انته راح تكون مامن نفسك مقدما ماتشتري دوة هندي مثل خالي راح تشتري دواء سويسيري
ويمكن انته مو بعيد عن مشاكل المتقاعدين ويه الحكومة وحتى الراتب صار منية لو مكرمة
والك طولت العمر ابني ..
القصة من وحي الخيال لكني متاكد انها ستطابق ‎%‎90
من حال المتقاعدين ..

#احمد_عناد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب الفلسطيني نهاد ابو غوش حول تداعايات العمليات العسكرية الاسرائيلية في غزة وموقف اليسار، اجرت الحوار: سوزان امين	حوار مع الكاتب الفلسطيني ناجح شاهين حول ارهاب الدولة الاسرائيلية والاوضاع في غزة قبل وبعد 7 اكتوبر، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات