علي حسين كاظم
الحوار المتمدن-العدد: 6792 - 2021 / 1 / 19 - 10:14
المحور:
الادب والفن
آ آنه أحبك
يا جبير الگوم
ياريحة الهيل
يابخت بثگل الهموم
ومجاذيف الگمر
ووعود الزغار
البيه الفجر شايل حزن
آنه أحبك
وعدول الصبر
سوالف خلگ
تسولف برد
يآخذه النهر
صواني إشموع
وخجل أشعار
فوگ الدفاتر صبر
آنه أحبك
إبحد أمل سهران
ؤليل من يفتر
سعير گلوب
وصبر عشاگ
يبوگ العمر مرات
والدموع هموم
أحبك
ما بين الحلم والنوم
أشوفك دوم
أشوفك دوم
سفر وشراع
وضمير الکاع
من تعرگ شواطي
وورد خطار
شايل عشک .
#علي_حسين_كاظم (هاشتاغ)
كيف تدعم-ين الحوار المتمدن واليسار والعلمانية
على الانترنت؟