عمر عبد العزيز زهيري
كاتب و باحث و شاعر
(Omar Abdelaziz Zoheiry)
الحوار المتمدن-العدد: 6776 - 2020 / 12 / 31 - 15:43
المحور:
الادب والفن
يا بابا نويل تعالي اوام
ما تستناش ييجي المغرب
مهو حتي صباحنا ليل
وهاتلي حلم ضاع منا وتاه منا ما بين احلام
وخد منا ضلام عشش وخلينا نشوف قدام
وهات قطره تجيب الراحة لجفونا
واقراص حب خير وسلام
ولقلوبنا مضاد القهر والحسره
علي الدنيا يكون فوار
وراحة البال وقعدة قرب وضحكه فاكره انه هزار
يا بابا نويل تعالي حتي لو ماشي بدون صناديق
دقايق بس تقضيها وتوعدنا بزوال الضيق
وبشرنا بسنه جديده سنه حلوه مفيش فيها قلق او خوف
ولا لحظة الم لحبيب قريبه عمرنا هنشوف
ولا انه ولا دمعه ولا كسرة مرض او داء
ولا لحظة رحيل وفراق
وامسح من قاموسنا "كان"
يا بابا نويل تعالي وهات معاك حتي ولو في الكيس بواقي امان
#عمر_عبد_العزيز_زهيري (هاشتاغ)
Omar_Abdelaziz_Zoheiry#
كيف تدعم-ين الحوار المتمدن واليسار والعلمانية
على الانترنت؟