ابويا ( بالعامية المصرية )

حنا موسى
(Hanna Mossa)

الحوار المتمدن-العدد: 6727 - 2020 / 11 / 8 - 16:48
المحور: الادب والفن
    

لسه فاكر كل ذكرى
كل حركه وكل كلمة
لسه فاكر كل ضحكه
وكل دمعة
لسه شايفك زي ما انت
لسه سامعك ف السكوت
لسه رافض فكرة غيابك
فكيف اصدق انك تموت

برتب الذكرى حالات
واستعيد م الطاقة صوت
آه يا ابويا لو نلتقي
في حضن السما
من غير شروط

واتوه في جنة
كلامك
وانت بتروي ع الملكوت

يا نجمة الليل الحزينة
قلبي حزين
وحلمي حزين
وصي الحبايب لو زارونا
في المنام
يجيبوا فرح
خدوه من سنين
ويعزوا القلب
ويصبروه

وصوا الحبايب يا نجوم
وصي الحبايب يا قمر
يحضنونا كتير باشتياق
وينسوا حاجه في المنام
لما نصحى نفتكرهم

ويسيبوا ضحكة في الودان
ويخلوا فرحة في المكان
ويعرفونا
امتى ينعاد المزار
عشان نعجل بالمنام !!

#حنا_موسى (هاشتاغ)       Hanna_Mossa#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل