الشاي والقهوة

ضياءالدين محمود عبدالرحيم
مفكر وداعية اسلامي و اقتصادي، مطور نظم، مدرب دولي معتمد، وشاعر مصري
(Diaaeldin Mahmoud Abdel Moaty Abdel Raheem)

الحوار المتمدن-العدد: 6676 - 2020 / 9 / 14 - 17:11
المحور: الادب والفن
    

باقول له تشرب ايه؟
طلع شاعر ما أعرفشي
فقال لي:
ملك نازل ملك طالع
غلبنا معانا الملكين
ليوم الدين

ملك وحزين
يكتب ذنوب
طفت علي الشطين
قلنا يا رب اغفر
وقال لي امين

زهدنا في اللي عند الناس
فحبونا
وزهدنا في الدنيا
طمع في حب ربنا لينا

سيبنا الشاي والقهوة
لناسها
وقلعنا الدنيا ومداسها
يكفينا حب ربنا
وناسها

سيبنا الموز لقرودها
والمال لكنازها
والجبنة للجبنا
خسارتها مفازها

حطينا ايدنا في جيوبنا
طلعت مستورة
ورب الكعبة
كريم ربك لعزازها
زهادها فوازها

عيون فارغة
ولا بتشبع
وطول ما هي
ماهي بتشبع
لا حتشبع يوم
ولا حتقنع
لا بقديم وجديد

وعيون مليانة
من الهوا تشبع

بيعنا الدنيا ومن مدة
بسعر زهيد
وحطينا عليهم شوية
فكة
واشترينا بعمرنا
الأخرة
وده يوم عيد

وسيدنا النبي
نتمني يبقي رفيقنا
في الرحلة
وهادينا رب كريم
من أول السكة
باذنه لباب جنة
رضوان حارسها

ويسألنا رايحين فين
نقوله ع الجنة
باذن ومشيئة خالقها
الله رب العالمين

قال لنا عملتوا ايه؟
وردينا:
لا أشركنا ولا كفرنا
لربنا شكرنا، وأدينا
ووفينا وعد كريم

ولا في يوم خنا
ولا بعنا قضيتنا
ولا بعنا دنيا بدين

ولا طمعنا
في مال غيرنا
ولا في شرفه
ولا في عرضه
ولا بصيناله في رزقه
ولا في شكله ولا رضينا
نبدل اسم اختاره ربنا لينا
وعشنا عيشة أهالينا

ولا دخلنا بيوت غيرنا
الا باذن أصحابها
أوامر ربنا لينا
في سورة النور


ولا اتخلينا عن أهل
وصحبةوجيرة
ولا قلنا نفسنا
وبعدنا الطوفان
ولا قلنا كمان وكمان

ولا دخلنا حوانيت غيرنا
ولا نبشنا قبور
ولا قعدنا علي كراسي
ولا قلبنا كان يوم قاسي
بل رحمة لكل الناس
قلوب عندها احساس
قلوب باشة
زهور وسرور

لا شهدنا يوم زور
ولا خالفنا سورة النور
لا طمعنا في ميراث غيرنا
ولا حطينا قرش في جيوبنا
فيه شبهة

لا فرطنا في عرضنا وشرفنا
ولا كنا في يوم ديوثة
ولا خدنا دور غيرنا
ولا استعملنا في يوم كوسة
أصلها في الاخرة
حوسة ودوسة
وبعضهم عدها
شرك بالخالق


ووحدنا ربنا واحد صمد
هو الأول وهو الآخر
هو الرازق وهوالقادر

وقدرنا نميز ما بين صوته
في توجيهه وفي هدايته
وما بين إبليس
أبو كَيد وهين

وسترنا زي ربنا ما سترنا
ودعينا لاخوانا وقلنا آمين
ورددنا ورا بلالنا
وركعنا وسجدنا

لا استكبرنا في يوم
علي اخوانا
واهلنا وجيرانا
وجاملنا وواسينا
وعزينا وصلينا

ومشينا على
صراط واحد
لا يعرف يحود
ولا يحاور ولا يناور
علي الفطرة يمين في يمين

ولبينا واعتمرنا وحجينا
وصفحنا وغفرنا وعفونا
واستنينا الاجر في الاخرة

ووفي ربنا وعده ومين غيره
يكافئنا ع الصبر وع الغربة
و ع الوحدة
و ع الصدمة لما جت
يوم من ايدين
ربتت على الكتفين

كات أقرب لينا مننا فينا
وباعتنا في يوم واحد
وسكتت زيارتها
وصمتت هواتفها
وقطعت نمرتنا
ورمتها عشان كرسي
أو نجمتين زايلين
أي والله ما هوش دايمين


لا نافقنا ولا شَخَصنا
وحاولنا منكدبشي
وشهدنا علي أنفسنا
واستغفرنا لذنبنا وتبنا
في يومنا ما يجاوز السبعين

وطمعانين في فردوس جنة
بغير حساب
من ربنا مسبب الاسباب

لا يأسنا ولا استسلمنا
ولا رايتنا سلمنا

وقدمنا لأخرتنا
ولحياتنا وأجلنا أجرنا
ومثوبتنا ليوم الدِين

ووفي ربنا وعده
ومين غيره
قدوس ورحيم

عزيز غفار
كريم جواد وودود
رؤوف ولطيف
أنا والله سعيد وسعيد

#ضياءالدين_محمود_عبدالرحيم (هاشتاغ)       Diaaeldin_Mahmoud_Abdel_Moaty_Abdel_Raheem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل