اتمنى اشوف الفرح صوره

وليد المسعودي

الحوار المتمدن-العدد: 6452 - 2019 / 12 / 31 - 14:33
المحور: الادب والفن
    

نهاية سنه
بداية سنه
معلكة بكل بيت
اشوف الحزن صوره
نهاية حزن
وبداية رصيد أحزان
اشوف الضحكة منتحره
يا ابو عيون الزرك
المغدور كلبي وياك
تضحك عليمن
وأنت بالثوره
رصيد أحزان
كوم احزان
نامت على الرصيف
بلا خبز
دكه الجوع
وبعد تنام
ما تروح للتحرير
وتأيد الثوره
وحك تابوت عمري
وحك كل دمعه يتيمه
ما اشوف الفرح
ما دام مرخوص الوطن
بكلوب ساسة
بلا ضمير
بلا شرف
مكشوفه بالنظره

يا أبو عيون الزرك
عوف الضحك وياي
ما يسوه العشك
مليان كل ممشاي
حسره وملامه
عثره وندامه
وايدين تصفك صفك
يا وسفه عالناس

يا وسفه عالناس
ضيعت كل هذا العمر
يا وسفه عالناس
بين المراكض والصبر
على الفرح ينداس
وبالذلة مهضومه
وبالعشك محرومه
هيته الوطن
ما لكت حراس

يا أبو عيون الزرك
تريدني اضحك حيل
اوسوه نترافك
امشينا للتحرير
وهناك نتشابك
بالبرد عشاك
ضد الظلم
صرخة حبيبين
كافي ظلم
صرخة حبيبين
صبح وعصر
كافي الفرح ينداس
بكل كتر

وكافي الوطن
يحزن نهاية عام
ويجمع رصيد احزان
عنده الضحكه منتحره

نهاية عام
بداية عام
اتمنى اشوف الفرح صوره
معلكه بكل بيت
واشوف الثورة منتصره
اوياك ياابو عيون الزرك
احضن حيل
حد النار والجمره
نهاية عام
بداية عام
اتمنى اشوف الفرح صوره
صوره
صوره
صوره
امعلكة بكل بيت

#وليد_المسعودي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل