انكِشفَت وجوه الناس ...!!

زهور العتابي

الحوار المتمدن-العدد: 6428 - 2019 / 12 / 4 - 21:00
المحور: الادب والفن
    

الف
خلف الله
أعِلَه الزَمن
وأعلَه الشَباب الحُر
يوم انتفَض
وانكِشفَت وجوه الناس ♤
غِربال صار الوَكت
رَد
كِلْ واحد لأصلَه !!
كَفو يَلْ نُوايِب
مَشكورة وألف لاباس ♤
فَرَّزنتي النِفوس هواي
بيهم من طلَع
أخو خَيتَه ..!!
الشايل جَرح
الوَطن بيدَه !!
يريد عراق
شامِخ أبَد ما يِنداس♤
بروحَه شايل غِيرتَه!!
خايف على ديرتَه !!
بي نَخوة
الحَمزة وعلي وعَباس♤
شكَد فَرف
بينَه ...وبين
اليرضى الخَراب يِعِم !!
وفرحان بنِزيف الدَم !!
الماعِنده ضَمير
ولاذمّة.. لا أحساس ♤
يا بن العراق
يالمِنتِفض
يا حُلو يَزغيرون
اتظاهَر وسِلمي صير
وكلنا ويّاك
عوف الحَركْ
والفوضى والتَخريب
انتَ مِن
أهل الوَسط وجنوبه!!
الما يهوى الغَدر
ومايندَلْ دروبه..!!
أهل الزود
اصلك ورفعة الرأس ♤
اهل المضايف
والدلّه والديوان
ما بيهم ابَد الملَثّم
والرِدي والخاين العَلّاس♤
الجِيش
ويّ الحَشد والشرطة
اسباع (منّك... بيك)
حماة الوطن والحرّاس♤
اتظاهر نعم ...
بس !!
لا تِمشي بحَجي الخانوك !!
وال ويّ العدو
هجمَوا ورادوا يِذلّوك !!
وخلّوا ديار
العِز باميركا تِنداس♤
اخوة يوسف
صِفوا وسفَه ..!!
اذَكرَك بسجن الحوت
لو رِِدِت تنسى..!!
جناسيهم.....
(مِنهم وبيهم )
وأفعال الدواهش
تشهد عليها الناس ♤
خلّي عراقنا ببالك
تَره بالفَوضى
راح يضيع ...!!
عزيز الوطن كلش
يستاهل كِلْ وَكِتْ
ترابه يِنباااااس ♤

#زهور_العتابي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل