ياجيشنه الباسل

ميسون نعيم الرومي

الحوار المتمدن-العدد: 6392 - 2019 / 10 / 27 - 17:39
المحور: الادب والفن
    

عين الشعب ترجاك ياجيشنه الباسل
اتهب ابقوتك تحمي الوطن والثائر

تطرد كل دخيل او أجنبي امگطم
ترجع هيبتك يا جيش (موسى الكاظم)-

اولادك هذول اودمهم اللي سال
غـِرگو بالدمه والعالـَم الغافل

مردوهم مرد بالغاز والقناص
(ايران) القررت والنفذت لذناب

كل ام اواخت كل أرمله اوكل شاب
ترجه هبـّـتك والمرتجي ما خاب

ايكتلون الشعب وابحجة التخريب
جرحك يا وطن ينزف يضل هالصابر

عين الشعب ترجاك ياجيشنه الباسل
اتهب ابقوتك تحمي الوطن والثائر
***
سيسوه القضاء الصار ضد الناس
صارت مهزله والفاس فوگ الراس

اعمامات اتسيسَـت فتواهه للأحزاب
تسند بالظـِلـَم واسـتحلت الإرهاب

الم ننتخي ؟ والعالم الصامت
ابختك يا(حسين) .. ابختك (العباس)

لمـَّـوا بالشباب ابحجة المنـّـدَس
ابخسـَّه اونذاله ابسكته وابلا حس

سلموه العراق (الإيران) تلعب بيه
(أمريكا) اسكـِتـَت (اوربا) لتماشيه

انقذ دولتك .. امن الغازي والمحتل
انت الســــند والخيمه .. انت الظل

شرطتنه الأبيه او جيشنا الباسل
انتوا المرتجى للشــعب هالحاير

عين الشعب ترجاك ياجيشنه الباسل
اتهب ابقوتك تحمي الوطن والثائر
---------------------------------------

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل