ميسون نعيم الرومي
الحوار المتمدن-العدد: 6389 - 2019 / 10 / 24 - 14:58
المحور:
الادب والفن
-(حقي نازل آنه آخذ)-
روحي بيدي والعلم
جروحي اشدهن..
بيدي اكضهن
حيل اصيحن ..
باسمك اهتف..
يا عراق
انت قبله والمناره
انت تاريخ اوللحضاره
بيرغ انت للأمم
ع الفساد اليوم ثائر
غرگونه بالمحن
ننقذ انريد الوطن
انحاسب انحاكم هالرمم
حقي نازل آنه آخذ
روحي بيدي والعلم
***
دم اخوتي بالشوارع..
يصرخ ابصوته اوينادي..
كتلوا الفرحه والحلم
ابراسي طلقه من جبان..
أبد ما طاح العلم
أذّن اوصاح الأذان
والكنايس تعزف ابلحن السلام
يا شهيد الحق ينادي..
عفيه اخوتي للأمام
طشوا اسنيني للأسف
بعده دمي ..مانشف
يطلب الثار اوينادي
كلنه نهتف للوطن
شعب واحد .. فد علم
حقي نازل آنه آخذ
روحي بيدي والعلم
-------------------------------
الى الثوار اهديها
24/تشرين الأول/2019
ســـــــــــــتوكهولم
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟