خوفي خايف / بالعامية المصرية

حنا موسى
(Hanna Mossa)

الحوار المتمدن-العدد: 6291 - 2019 / 7 / 15 - 11:01
المحور: الادب والفن
    

خوفي خايف
_______

خوفي خايف غصب عني
حيرتي زادت والشكوك
والليل طويل
والنوم عزيز


دمعي بايت ع الجفون
والاهه خانقها السكون
والخوف جبان

بان في بوحي
لحن حزن
فيا حبيبتي اعذريني
غصب عني
فار بياكل عمري
صبر
ولسه صابر ما انحنيت
وما اشتكيت
من ظلم مر

فات الكتير
يا قلبي فوت

الحكاية دايسها قطر

في عز الشتا
قلبك يجف من العطش
وصيف ترخ المطره رخ

وانا قلبي
غبي
عشق الغنا
فاكنله فخ

خايف وخوفي ملوش حلول
استنى ليلي يفوت
بقلب طفل
عد النجوم
بالوهم

آه ليل ملهوش نهايه
كأن كل العمر ليل
كانت الحكاية
منتهيه
والنقطة زايغه ف السطور

والسطور بساطور مبتوره
والصفحه الجديدة
مختفيه

ف البداية منين هتيجي
والنقطه غايبه
في لو و لو

ليل يا ليل
يا ابو الحزانى
المتروكين للوهم
والوهم
ياكل في السنين بمزاج

مين اللي قال للعمر يتبعزق كده

مين اللي أمر
مين اللي طاع
مين اللي قاس
سنينا بمسطرة

وحكم علينا بمنظره
ان احنا مش نافعين خلاص

خد عمري وخد بدايلي والحلول _
وقول يا جدع _
لو كنت جدع !_
لو مكاني هتعمل ايه ؟!

____________

#حنا_موسى (هاشتاغ)       Hanna_Mossa#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل