الغيرة

عجيل جاسم عذافة

الحوار المتمدن-العدد: 6281 - 2019 / 7 / 5 - 15:01
المحور: الادب والفن
    

الغيرة
الموبايل عل تخت خليته ظل مفتوح…….
نسيته ورحت اتغده
گعدنه نسولف ونضحك
والياكل حلاوه اصيحله اتهده
لان هاي الحلاوه تزيّد السكر
وتخلي الجسم تعبان…
وحتى سنون ماعنده
تلفونك يرن يا بويه شوفه شبيه
گلتلها يَ ام اسلام شوفي من يدگ يمكن حدا.……
وكوليله يروحي راح يتغده
راحت ام اسلام وشافت المكتوب بالشاشه
كالتلي چا تضحك علي وتكول انتي ابده
وانت تصاحب النسوان…..
لا بويه احسبك ماي وتبده
لوسوي حياتك ظيم… .
صارن كم فلس عندك
تهده عْليهن اسم الله…… .
شويه عليهن اتهده
يابه شصاير و شمالچ… .
سويتي الغده زقوم
صارت سولتچ هذي… .
لو صارت الچ ردّه
لا تتغشم وتحچي… انه قريت ماظل شي
گالتلك حبيب الروح انت سلوتي
وكل شي يعمي انت غلطانه
.. ويمكن هاي بالمگلوب دزت
وانت وهمانه يمكن ويه اخوها الحچي مو يمي
يمكن وي زوجها دصبري خل اشوفن ما حصل اي شي
اگلك انه ما اصبر ودماغي صار متحشي لو ودي اذبحك هين… .
لو لملم هدومي وهسه اروح امشي
هاي شلون طرگاعه
مدري الكتبت زغيره…
مدري وحده متقصده….
مدري تريد تتعلم… ..
مدري ماكو ما تقصد…
ولا اي شي گالت هذا ما ينفع
راح حشم اخواني واخوانك
واسوي اليوم الك گعده
والعايل اگلهم لازم نرده
يا بويه دصبري شويه تانيني خل احچي معاها والحچي نسده
گالت هاك سولف….. خل اسمعك زين….
گلت اني اعتذر باللحظه ما رديت ايدي مزفره…مو كنت اتغده
گالت يعمي الاعتذر انه…كنت اكتب لبوي… .
رصيده منتهي وفلوس ما عنده
وانه يعمي حيل مستحيه….
الكتبته صار عندك مگدر ارده

#عجيل_جاسم_عذافة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل