مسرحيةقصيرة بالزجل الشعبى الفلسطينى

سليم نزال

الحوار المتمدن-العدد: 6217 - 2019 / 5 / 1 - 05:28
المحور: الادب والفن
    

مسرحيةقصيرة بالزجل الشعبى الفلسطينى

سليم نزال

يفتح الستار عن شاب فى اواخر العشرينيات .

يا ميجانا و يا ميجانا انتو الاحبة وين ما رحتو لنا

يتوقف قليلا ثم ينظر حواليه و كانه يبحث عن امر ضاع منه ثم يبدا بالغناء

يا حلوة ياللى
على الارض عم بتغندرى
وردة جميلة بس يا ريتها الى
راح يجى يوم يا حلوة و تعرفى
انه ما بسقى الارض الا مينا
يا ميجانا ويا ميجنا انتو الاحبة
وين ما رحتو لنا


صوت فتاة قادمة باتجاه المسرح .تزداد الاضواء اشراقا
الفتاة
عم اسمع صوت حدا هون
صوت ما سمعناه منما راحوا
باحلف يمين انه مش غريب على
و صدى تاريخنا من الصوت فاحوا

الشاب يتقدم نحوها .

ايام يتروح وتجيى
تاريخ راكب على حصانوا
طلوع و نزول سفراتو
بس ريحة الارض بتظل من ريحة اصحابها
حتى لوراح الفارس وتكسر رماحو

البنت
على صوتك مليح حتى الناس تسمع
بلكى على صوتك
رجع الاهل على الحى
بلكى اللى ماتوا عادت ارواحوا

الشاب
راح اللى راح يا بنت عمى
شو ظل من بلادنا شو ظل
ارض خراب واشجار بلا ظل
و اعاصير تضربها ورياحو

البنت
لا مش هيك راح اوافقك
بلادنا خضرا
و ازهارها بتعطر القلب
و عصافيرنا تغنى
وكل يوم نسمع صداحوا

الشاب
لا ظل عصافير تغنى
و لا ظل حدا يسمع صداحوا
و لا ظل امل ولا ظل حب
و زهورنا اللى كانت تضوى
ما عاد فيها فواحو

البنت

ليش صوتك مكسر و مهموم
خلينا نوقف بكا و نوقف نواحو
الورد ان ذبل
بطلع من جديد
المهم الروح ما تموت
و الامل يبقى على سلاحو
بيروح زمان و بيجى زمان
القافلة تسير و الكلاب نباحو
احنا روح الارض احنا ملاحو
خلى التاريخ يتمختر على كيفه
هيك التاريخ كل عمره سواحو
خلى اللارادة تظلها فى القلب
الارادة هى المفتاحو
و العرق الاصيل بظل عرق
لو تكسرت قداحو

الاثنين معا
يا مجينا و يا ميجنا و يا ميجنا
انتو الاحبة وين ما رحتو لنا

#سليم_نزال (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل