نورا فريد ميخائيل
الحوار المتمدن-العدد: 6120 - 2019 / 1 / 20 - 13:04
المحور:
الادب والفن
يااخواتى جسمي قرب يتجمد م البرد😫
حد يقولى احنا عايشين ف مصر بجد😢
والله حاسه اننا وصلنا القطب الشمالى 😏
أو لبلاد مش عايش فيها حد
دا الشاور بقيت افكر فيه بس بخيالي
وأقصى حلمي انى اقوم من تحت البطانيه
أو امد رجلى من تحتها مد
يكش حتى يدخلوا البيت دسته حراميه😫
ياخدوا الحله أو ياخدوا الجلابيه😫
لا يمكن هقوم من تحت البطانيه😫
يكش حد يقولى قومى اعملى لنا
فراخ أو سمك أو حتي ملوخية🍞🥪
سيبني يابنى نايمه ومتغطيه
هو حرام ان ابقي شويه متدفيه
ليه بس يابنى تهون عليك الاذيه😫
خلصت مناديل البلد م الزكام😭
وكل مره عايز زقه عشان ادخل الحمام 😂
بالذمه دا كتير اوى وحرام😢
مش كفايه ضحكوا علينا وقالولنا😏
ان جو مصر تمام التمام
يارب ياللي تحب الشتا 🏊♂️
لاينفعك شمسيه ولا حتي غطا
ينزل عليك التلج قطع قطع ⛷
وابقي ورينا ازاى انك شجاع وجدع🏋️♀️
حتي بالاماره دا أخر بيت شعر اكتبه ف القصيده
لانى بعدها محتمل أتجمد وابقي حته حديده😭
واوعوا تنسوا يا حبايبي تسألوا عليا🤗
بكيس تفاح أو حتي فنجان قهوه مغليه🍎🍵
وانا نايمه ومتجمده تحت البطانية 😂
#نورا_فريد_ميخائيل (هاشتاغ)
كيف تدعم-ين الحوار المتمدن واليسار والعلمانية
على الانترنت؟