مبروك .. مصر بقى لها فرع في الخارج !!

حسن إسماعيل

الحوار المتمدن-العدد: 1502 - 2006 / 3 / 27 - 10:04
المحور: كتابات ساخرة
    

" مصر هي أمي "
" متقولش ايه ادتنا مصر"
" واختارناك .. اختارناك"
" احلف بسماها وبترابها"
والله وعملوها الرجالة .. وفتحوا لنا فرع لمصر في الخارج
رامي لكح .. وإسماعيل بتاع العبارة .. وإبراهيم سليمان راح لهم
وإبراهيم نافع بيجهز شنطته .. والشاذلي بيدور على فيزا
والله دي حاجة تفرح

واحد من مدرجات الدرجة التالتة بيسألني : هي دي حكومة ظل يا باشا ؟!
وأنا بأقوله : لو كنت قاعد في الدرجة التالتة لمصر العظيمة العريقة هتبقى الحكومة على يمينك وحكومة الظل على شمالك ..
ولو كنت قاعد في المقصورة يبقى انت قاعد وسط الأربعين حرامي .. أقصد وسط الحكومة اللي بكره هتبقى ظل على شمالك

حد مصدق إن فيه دولة في العالم تبقى فاتحة نفق يعدي البحار والمحيطات يهربوا فيه فلوسهم وعيالهم وستاتهم .. " عليّ الحرنكش ده كلام ؟! "

طبعاً ده أحلى كلام .. مصر دي أم واصلة مع عيالها بحبل سـُري
بقالها 7000 سنة بتغذيهم ..
يسرقوها .. ينهبوها .. ينهشوها.. يسجنوها
مش مهم .. الأم أُم .. طيبة .. وحنينة .. ومستحية
تقعدهم على عرشها ولما يسرقوها تخبيهم في كرشها
أُم يا باشا .. أُم
أُم مبتتشطـَّرش غير على الغلابة والصحفيين وبتوع حقوق الإنسان والقضاة ..
والناس الحلوة اللي مشرفانا واللي منورانا .. ورقصني يا جدع

وأحب أن أطمئن الجميع أن مصر لن ترحم الفسدة والمفسدين ، والأيام القادمة سوف تشهد بإذن الله عن شفافية تصل إلى حد قميص النوم ، ولن تتوانى في إظهار الحقيقة وفي بيع مصر من أولها لآخرها .
لكن المشكلة الوحيدة الباقية اللي هنلاقيلها حل بإذن الله في الأيام الجاية هو الشعب
بعد ما بعنا مصر الشعب ده هنعمل فيه إيه ؟
بس بإذن الله بأطمئنكم هنلاقيله حل
ربنا ياخده .. حاجة كده زي الطاعون تشيله .. حد يضربنا بقنابل نووية زي هيروشيما ونغير اسمنا نبقى مصرشيما .
بإذن الله كل حاجة هتبقى تمام بس انتوا قولوا يا رب

#حسن_إسماعيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل