يكش تولع

رمزى حلمى لوقا

الحوار المتمدن-العدد: 5906 - 2018 / 6 / 17 - 00:58
المحور: الادب والفن
    

السكوت ما عادش ينفع
و الكلام ما عدش يوجع
مهما تُهنا فى يوم هنرجع
تانى و نعيد اللى فات


طول ما عقلك جوة راسك
لمّا فقرك يبقى كاسك
خاللى إحسانك لناسك
غنى موالك آهات


يا ما قولنا و يا ما عيدنا
الهدية جات فى عيدنا
و ف غضبنا و ف وعيدنا
ننسى بوصلتنا لساعات

يضرب المربوط يجيله
ألف جاهل وسط جيله
يلحسوا أرضه و نجيله
يركعوا لحد الممات


شوف يا صاحبى ... و أنت مالك
خاللى تركيزك فى حالك
و ف إيمانك و ف ضلالك
إنتظر تمن السُكات


كلنا مش نفس حالتك
كنا واحد يوم إحالتك
خالتى ما بقتش خالتك
يوم ما فرقنا الخالات

#رمزى_حلمى_لوقا (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل