فيرناندو بيسوا - لوجِيعَة، الشّبَاكْ والبَبَّغَاءْ

ضياء البوسالمي

الحوار المتمدن-العدد: 5819 - 2018 / 3 / 18 - 18:17
المحور: الادب والفن
    

مقطع من كتاب اللاطمأنينة تع بيسّوا (فقرة عدد 224، الصفحة 253 من الترجمة الفرنسيّة)

الخيال ماهو الاّ حاجة مسمينها نحنا حقيقة..
تعداو نهارين والمطر تصي من سماء غري* وباردة. مطر موش كيما العادة، فيها حاجة سبيسيال**، لونها يحزّن الرّوح. نهارين كاملين تعداو. الي قاعد نحس فيه في حد ذاتو يحزّني. وهذا الي قاعد يتعكس على بلار الشُّبَاكْ، على صوت الماء الي يقطّر والمطر الي تصب. قلبي يعصر عليّ ومقبوض وذكرياتي لكلها ولات حيرة وخوف. النوم هارب، ومعندوش حتى سبب باش نخلّيه يجيني، شاهي نرقد.
قبل، وقت كنت صغيّر ورحان، كنت نعيش في بيت بجنب ساحة فيها صوت ببغاء ملوّن. حتّى في ايامات المطر، كلامو يبقى هو هو ميتبدّلشويبقى يصيح وهو بعيد على المطر أكيد،ويعطي إحساس شخصي وراكح، يعوم وسط حزن مغطّي على الجو كيما صوت تع الفونوغراف الي يوصل بالمسبّق.
زعمة خمّمت في هالببغاء خاطر حسّيت روحي حزين وذكريات تع صغري ذكرتني بيه؟ لا، خمّمت بالرسمي، خاطر في العمارة الي مقابلة، نسمع توّة في صوت ببّغاء يصيح بطريقة موش متوقعة جملة.
ملاّ خُبِّيلة في راسي.. وقت الي نتذكّر، هذا معناها حاجة أخرى خاطي التّخمام. كان نشوف، نحسب روحي مَشُفْتِشْ ووقت نبدا شارد وقتها بركة نجّم نشوف بلقدا.
نعطي للشباك بظهري، بلاّرو يتحس بارد لأي يدين تمسّو. ونهز معايا، هذا سحر الضوء الخافت، بيتي القديمة والببغاء الي صوتو مبحاج في الساحة الي بجنبنا وعينيّ يتسكرو م النوم ويرزنو تحت حاجة مستحيل تتصلّح هي انّي انا عشت وتوجدت.

*غري: المقصود هنا هو اللون الرمادي أما بحكم نحنا بالدارجة دخلنا الكلمة الفرانسويّة غري ومنقولوش جملة رمادي فضّلت نخليها في الترجمة.
**سبيسيال: كيف كيف هي كلمة فرانسويّة دخلت لكلامنا تع كل يوم وولينا ديما نقولو فيها واذاكة علاش خليتها في الترجمة تع النص.

#ضياء_البوسالمي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل