جْوَابْ كِتْبو ماركس لمَرْتُو جيني عام 1865

ضياء البوسالمي

الحوار المتمدن-العدد: 5816 - 2018 / 3 / 15 - 16:13
المحور: الادب والفن
    

تقديم: الجواب هذا كتبو ماركس لمرتو في جوان 1865، وقتها كان مسافر في مانشستر، مع صاحبو فريديريك أنجلز، وبعيد على لندرة كبر بيه الوحش ياخي كتبلها الكلام هذا.

ملاحظة: موش غريب على ماركس الكتيبة الرومانسيّة والشعرية عموما خاطرو كان يكتب الشعر وقت كان صغير (معناها شاعر شاب هاها) اما عمرو ما كان راضي على أسلوبو ومكرّز خاطر يعتبر الي موصلش للمستوى الي يحب عليه رغم الي كان يكتب بصدق ومن قلبو. حاسيلو..

مانشستر، 21 جوان 1865
مرتي لعزيزة وحب حياتي،

هاني نكتبلك مرّة أخرى خاطرني وحدي، وعلى خاطرني منحبّش ناقشك ونخترعك في مخي منغير لا انت تكون بالحق موجودة وتجاوبني ومنغير حتى لا تعرف شنوة موضوع النقاش. الغياب الوقتي ظاهر فيه باهي، خاطر كيف نستانسو بالحاجات الي دايرة بينا تولي لكلها تشبه لبعضها ويصعب أنو نفرقو بيناتها. القرب برشا وأكثر من اللازم يْهِدْ عمارات عالية ويخلينا نغزرو لحاجات تافهة ومعندها حتى قيمة بعين كبيرة. وعوايدنا الخايبة، الي تقلّق بدوناتنا وتنجّم تبدّل برشا حاجات وتشعّل نار الحب في الجاش، تتنحى وقت تمشي علينا الأسباب الي خلاتها موجودة.
أما المشاعر تاعنا الكبيرة، اكة الي تستغل القرب وتاخذ منو القالب تع الأمور الروتينيّة الي تتعاود كلّ يوم، أذيكة تكبر وتاخذ بعدها الطبيعي من المسافة الي بينها وبين الحاجات لخرى. الأمور هكّة معايا أنا والحي الي نحس بيه، انت تخطفت مني كاينو كل شي صار في حلمة. هاني توّة عرفت الي الوقت يعمل في نفس الي تعمل فيه الشمس والمطر مع الحشايش والشجر باش تنبت وتكبر. وقت الي انت ماكش معايا، حبي ليك يبان على حقيقتو، كاينو وحشْ كبير نحط فيه طاقتي لكلها والي يحس فيه قلبي. خاطر يرجعلي احساسي بانسانيتي مرّة أخرى ووقتها نجّم نولي نحس بهالحب الكبير. هذا الفرق الي نحسوه والي يخلينا نطيحو في الفخ تع العلم تع توّة، وهالشك الي يلزنا باش ديما نشكو بالسيف علينا في الي نجسو فيه. هذا الكل مجعول باش يخلينا نحسو رواحنا صغار ومعدناش قوّة وما زْعَامْ كان نتوجعو. أما الحب، موش الحب الي حكى عليه فيورباخ، وماهوش الي نكملو بيه الدنيا، وماهوش على خاطر نشاء الدنيا والي فيهم برشا مزيانات.
منين نجيب وجه فيه أمارات تعبّر على حاجات عشتها ونعتبرها أحسن لحظات في حياتي؟ حتى أوجاعي الي ما توفاش، والحاجات الي خسرتهم وميتعوضوش نشوف فيهم في وجهك المزيان. الوجيعة نبوسها بوسة تع حد ماعادش باش يراها جملة وقت الي نبوسك انت.

نبوسك ونبوس لولاد ألف مرّة
كارل الي يحبّك وبكلو ليك.

#ضياء_البوسالمي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات