عادل عياد
الحوار المتمدن-العدد: 5674 - 2017 / 10 / 20 - 21:20
المحور:
الادب والفن
وهموا نفسهم
ان الحياه خدعه
وغرسوا بزور الشك في السنين
كتبوا على سطور الزمن
ان بكره معرفش يهرب من امبارح
وان التاريخ مولود ضعيف
وان جميع الأغاني معزوفه بناي خشب
وان الموت فراق
وهموا نفسهم
بكل معاني اليأس
وكل هموم الغيب
وهموا نفسهم
ان انا وانت اتنين
واننا معرفناش نشم الورد
مستنيناش الغروب ورحناله
مستنيناش الطيور تزقزق في عشنا
ولا حاولنا نكون الكون
الوهم كان سمه لكل اللي مروا
ولا عرفوش اننا غلبنا القدر
وصحينا في وسط النوم
واتفقنا ان الحياه حقيقه ...
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟