فَرْخَت الأحزاب

ميسون نعيم الرومي

الحوار المتمدن-العدد: 5598 - 2017 / 8 / 1 - 02:58
المحور: الادب والفن
    

فـَـرْخـَـت الأحـزاب
ميسون نعيم الرومي

فـُـرْغـَـت الســـاحـَه اتـريـد راعـيـهـَـه
احـزاب الگـَـبـل مـِتـْعـَـلـّگـَه بـماضيهه

وارجـال السـياسـَه اتـْمـَـليـنـَـت بالبـوگ
كـلمـَـن يـدّعـي للأمـَّه حـامـيـهـَه

تـَـفـريـخ الصناعي .. فـَـرّخـَـت لحزاب
صارت كـولـِبـَه .. مانـدري تـاليـهـَه !

*غيروْ بالإسم .. واتجـَـدّدت لحزاب
صارت قشمره .. عاليهـَه واطيهـَه

انتخابات التجي نترجـَّـه منچ خير؟
تـزويـر او دجـَـل .. امن اول التاليهه ...

سـرّاق الوَطـَن (متحزميـن احـزام)*
بالكرسي يظل ما يـرضه يـنطيهـَه

*(ثـَـنـَّـوْ بالركب) هالجـَـيـّـشـوْ لجيـوش
قـادَوْ بالسـفـيـنـَه انـكـِسـَـر ساريهـَه

وانـّوبـَه اللطم .. كلمن يصيح (حسين)
مـنـَّـك يا شـَـهـيـد انـريـد تگـضيهـَه

فضائيات اشكثر.. تچذب چذب ..ماصار!
مـن دَمّ الشـَـعـَـب مصروف واعليهـَه

نـوّاب الدجـَـل والنايـبـات اهواي
*راتـبهم..يـَـدوب (الخـزنـَه) تكفيهه

وارجال الحمايه الأبـَـد ماتـِـنـّعـَـد
*(خرجيه) اوقصور..چا سكته خليهه..

نايـم يا شعـَـب ما ندري ليـش اشـلون!
عـِـلـَّـتــنـَـه اكـْـبـرَت ياهـو اليـداويـهـَـه

لا كهـرَبـَه..لا ماي .. لاخـدمات
ياشعبي السكت بالحزن گاضيهه

اصحه يا شعب بسك مهانه اوضيم
إحـذر! مـدَّعــي للأمه سـابـيـهـَه

چا (خلف اوبگـَه) (بمريكا) بلكي اتحن..
يـذبـَـح بالشعوب ... اشلون يحيهـَه ؟

بـَـسـَّـك ياقـَـلم بـَـسـَّـك و بـَـسـَّـك بس
ما شـِـفـْـنـَه شـَـعـَب للرگـبـَه يحنيهه!!
للرگـبـَه يحـنـيهـَه!!
---------------------------------------------
*(ثـَـنـَّـوْ بالركب):- دلالة التهيأ
*(متحزميـن احـزام):- مصممين
*(الخـزنـَه):- خزينة الدولة
*(خرجيه):- مصرف جيب
*غيرو بالإسم :- المودة الجديدة قبل الإنتخابات
الغاء الأحزاب التي سرقت الجمل بما حمل
وتأسيس احزاب جديدة بأسماء أخرى
نفس القادة ونفس الأعضاء
(نفس المرگه اونفس الديچ)
--------------------------------------------------------
1 / آب / 2017
ســـــــــــــــــتوكهولم

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات