أغنية أه ياوحداني

جمال الشرقاوي

الحوار المتمدن-العدد: 5589 - 2017 / 7 / 23 - 08:04
المحور: الادب والفن
    

عايش لوحدي فــ دنيتي ماشي غريب
بمسح همومي فــ دمعتي من غير حبيب
بين الصحاري يا أنا م بقتش عارف
مين أنا و الخوف معايا اقرب قريب

و الحزن دنيا فــ سكتي علىَ طول واخداني
و انتَ مين بيفكر فيك يــ وحداني
أه يــ وحداني

فــ كل مَرَّة ارجع أنا أخر النهار
ألاقي الليل جوة عيوني سواد و زار
إمتىَ هلاقي فــ دنيتي شيء يتعشق
و لَّا ألاقي الارتياح بعد المشوار

ليه العذاب مولود فــ قلبي و أحضاني
ليه الحنان معاند كل وحداني
أه يــ وحداني

عايش لوحدي فــ دنيتي ماشي غريب
بمسح همومي فــ دمعتي من غير حبيب
بين الصحاري يا أنا م بقتش عارف
مين أنا و الخوف معايا اقرب قريب

سامحت كتير حاولت انسىَ و م بنساش
كل اللي فات فاكره فــ بالي م انتهاش
طب أعمل إيه فــ أفكاري بتجرحني
لازم أعيش منها فــ عذاب بقيته م جاش

مكتوب عليـَّـه أكون و الجرح عنواني
و لا بتنسىَ الفكر و الحيرة يــ وحداني
أه يــ وحداني

عايش لوحدي فــ دنيتي ماشي غريب
بمسح همومي فــ دمعتي من غير حبيب
بين الصحاري يا أنا م بقتش عارف
مين أنا و الخوف معايا اقرب قريب

و الحزن دنيا فــ سكتي علىَ طول واخداني
و انتَ مين بيفكر فيك يــ وحداني
أه يــ وحداني

القاهرة - يوليو - الأربعاء 19 - 7 - 2017 م الساعة 4 عصراً - جمال الشرقاوي - كاتب و شاعر -

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل