جمال الشرقاوي
الحوار المتمدن-العدد: 5543 - 2017 / 6 / 6 - 03:56
المحور:
الادب والفن
حاسب علىَ جرحي يا هوىَ
حاسب علىَ جرحي يا هوىَ
مش قد جرحَك و لا قد دمعي
دنا قلبي حبَّـك و راح لحَدَّك
صوتـَـك دة هو اللي يشجي سَمْعِي
حاسب علىَ جرحي يا هوىَ
بتاخدني بعيد ويَّاك بعيد
بعد الشروق بعد الغروب
بعد السما نطير و نبعد
نعيش فــ جنة لحظة هروب
حاسب علىَ جرحي يا هوىَ
مقدرش يوم يجي عليَّـه
من غير م عقلي يفكر فيك
لو حتىَ لحظة خصام تاخدني
ألاقي قلبي مشدود عليك
حاسب علىَ جرحي يا هوىَ
مش قد جرحَك و لا قد دمعي
أعمل ايه بس قوللي
مش بإيدي أيوة الغرام
أيوة قول و انصحني يــ يابه
أنا خلاص عليَّـه السلام
حاسب علىَ جرحي يا هوىَ
مش قد جرحَك و لا قد دمعي
دنا قلبي حبَّـك و راح لحَدَّك
صوتـَـك دة هو اللي يشجي سَمْعِي
القاهرة - يونيو - الأحد 4 - 6 - 2017 م - الموافق 9 رمضان -
جمال الشرقاوي - كاتب و شاعر -
#جمال_الشرقاوي (هاشتاغ)
كيف تدعم-ين الحوار المتمدن واليسار والعلمانية
على الانترنت؟