فانتازيا مصر الصبح والحرية

احمد حسن

الحوار المتمدن-العدد: 5545 - 2017 / 6 / 8 - 21:17
المحور: الادب والفن
    

من حوش قدم
من الف صدفة وصدفة غوايا
طلع الضرير ...أيه
طلع الغنا ... مع لفة الدايه
مصر الجديده .. بترضع الاناشيد
مصر القديمة .. حيت الازهر
الريف بيبعت من عطانته صبى
صعلوك / نبى/ عربيد /
خدام
وشايل سيف يقاوم سيد
راضع من الضحك العفى
ومن ليالى الحزن والمواجيد
جاى من بلد
لابسه الضباب
فوق بدلة العسكر
هذا السفيف / الفاجومى / الفسل
رمى عمره كله فوق وتر واحد
وترك .. ياشيخ اعمى
ونور واعد
با أزاز فانوس
زى الوريد فى الزند
......
مين حلمه كان اقدم من التانى
مين اللى وجعه اصيل
عن التانى
افروول فؤاد
او جبة الازهر
كان جرح يونيه بيدخل الكراريس
ومصر تدخل حوش قدم تسهر
معازيم فرح ... من غير عروسه وعريس
بيزغزغوا زغروطه مكتومه
وبيشتموا حكومه
وبيضحكوا ...
من ضربة الشومه
اصوات تفتش عن تاريخ ساكت
....
اعمى .. يولع شمعه للأمه
واونطجى بيكتب قصايد
زى حد الوعد
فانتازيا مصر الصبح والحريه
صوت الحديد والصلب عالسيكا
وضرير
بيسحب
أيد
وطن مجروح
يسحبنا صوته نقيد ..
وشوقنا يزيد
نحس بالمواعيد ..
وبالكلمه
...
الشيخ امام ... الصدفه .. والسنبله
مخبى فى النهاوند ... صوت قنبله
وكأنه عازمنا نهد الكون
فى سهره واحده
وكاس نبيت واحد
شرط الغرام والعشق كان البوح
غناكى يانسايه يامنسيه
سماكى سالمه.. واداكى اسم بهيه
بس انتى... زى الدنيا..
ملعونه
تغوى .... ومش مضمونه
دهب المعز بيسرقك من زقزقة
عصفور
وامام ... كبر
ادريس عجوز
ولسه مش عايز يجيه الدور
لف القادوس
سافر امام .. للشمس
للراحه
ولسه فارده
رموشك الدباحه

#احمد_حسن (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل