تمخض التيار فولد فأرة ..

صلاح المعموري

الحوار المتمدن-العدد: 5121 - 2016 / 4 / 2 - 23:59
المحور: مواضيع وابحاث سياسية
    

تمخض التيار فولد فأرة ..
بقلم /صلاح المعموري
مقتدى شلع قلع .. اليوم اريد احجي بالعامية لان تعبت حيل من هاي الناس اللي قفلت عقولها وخلتها على الرف وقسم منهم خلو عقولهم بالخيم بالاعتصام مال السيرك السياسي وقسم خلوها بالمنطقة الخضراء لان صدكوا راح يصير فتح المنطقة الخضراء مثل فتح ( مكة ) وحاشا مكة من هاي الهرملة والعصابات المسودنة اللي تعتقد ان مقتدى امام والله مصيبة وسودة مصخمة مقتدى امام وقسم كاموا يبجون من دخل مقتدى فاتحا قلاع المنطقة الحصينة والفريق الركن وكع على ايده يبوسها اي مو هو( ابو هاشم ) المصلح وهتفوا بالدعاء ( كن لوليك مقتدى صلواتك عليه وليا وحافظا وقائدا للمليشيات وناصرا لايران ) وكام ينتف بشواربه ويحك بلحيته عباله الوادم زواج مو هو يتقلب اكثر ما يتقلب او الحصين وابو الزمير او اكثر ما تتقلب الحرباء وبدت المسرحية وطفوا الاضوية وبدء الفلم الكابوي من بطولة مقتدى المصلح واخراج امريكا وايران خطية العبادي بعد ما عنده وكت راح يشلع راح يكلب لان القائد كعدله ركبه ونص خطية العبادي خايف كلش يرجف الليل كله مانام من وره السيد الغايد تره هي الشغله شلع قلع وبدء المسلسل والصور والسيلفي القائد يغتسل القائد يصلي القائد يتوضا القائد يتعشى القائد يتريك بيض وكيمر وجبن وكلاص جاي يكولون الريوك مالته جابوه من باب الشرجي حار ومكسب القائد ينام ويحلم ويوحى اليه واخيرا القائد ( يزرب ) القائد المصلح ما مصدك نفسه وهو الصكاك تمخض وانجب اصلاحات لان معروف عنه ما ينجب بس المليشيات والقفاصة والعلاسة وبدينة نسمع جعجعة على كولتهم بس ما نشوف طحين بس خطابات ووعود وجاي وجذب وتنتفخ بطن التيار ودخلت ردهات الولادة انذار والاطباء خطية سهرانيين والمختصين والتكنوقراط متحضرين وجندوا الممرضات والسسترات والقابلات بانتظار ولادة الاصلاح مال السيد القائد وانترست الخيمة باقات ورد وقواطي الجكليت والببسي والمخدات والبطانيات والحضاين اللي فرهدوها الجنود يتبركون بفراش ابو هاشم المصلح وخطية انور الحمداني هماتين مصدك ويصيح الثائر المصلح مقتدى والثائر والثائر وبقت ليلة وحده ويشيلون المنطقة الخضراء شلع قلع وثاني يوم والناس خايفة ليروح يصير شي ويزعل السيد الغايد ويهجم على المنطقة الخضراء وتصير كارثة وبعدين اجا رئيس الحكومة فتمخض الجبل وولد فأرة وتمخض العبادي فولد ( ظرفا ) وكال يابه هذا الظرف بيه الحل وحكومة التكنوقراط والاصلاحات وراح تنحل كل المشاكل والازمات وراح يرجعون المهجرين لبيوتهم والنازحين لمدنهم وراح يرجع النفط للعراق وراح تتوقف المفخخات وراح ينقلع داعش وراح يرجع العراق دولة مستقلة والخير كله يجي والسيد القائد المصلح كال يابه هاي هي اشلعوا الخيام ومضارب بني عبس واقلعوا منانه تره اني ركزوا علي بين السلة والذلة واني رضيت تره بالذلة علمودكم اغاتي وشكرا لكم وطلعت الجكسارات وانسحبت وحدة وره اللخ ورادو يحسبون عدد الجكسارات واحد حسب 25 جكسارة وتيه الحساب المهم تمخض التيار والاصحاب واصحاب القضية وياهم مقتدى فولدوا ظرفا عفوا فأرا ....

#صلاح_المعموري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل