كامل الركابي
(Kamel Alrikaby)
الحوار المتمدن-العدد: 1384 - 2005 / 11 / 20 - 09:57
المحور:
الادب والفن
حمامات اثنين
الى الصديق الشاعر ريسان الخزعلي
*ريحه خضره
اتذّكرك بالساجيه
وفيها وعشبها
اتفيض كل ليله
اﻟﮔصيبه
وانت بالوحشه حمامه
وجمره شتويه
غريبه
يلي طولك
مستحه ايدّﻨﮒ
لوّن تبجي الحبيبه !
*خطوه ...
خطوتين
ويجيب الصبح
لعيونك اﻟﭽنهن حمامات اثنين
لعيونك الدافي الحزن
والسهر بيهن
ضي شمعتين
حلمك ابشمس العافيه
اتفيض العين !
*ﻟﻟﮔهوه
الضوت بيها المواعيد
للشجره ومحبتها
تجيب الفي برد
ﻟﮔلوبنه المشتعله
باسرار ومواعيد
للبار
النزفنه احزانّه ابليله
للغنوه النرددها سوه
باجمل غنه وترديد :
تعال الجيتك انه اشتا?
ولشوفتك اتمنه
تعال انت الحلم والعيد
ياريسان
للحب للسهر
للزعل للتشريد
للأحباب
سلام وعافيه
وبوسات غيَّاب
تموز1979
سيدي بلعباس
#كامل_الركابي (هاشتاغ)
Kamel_Alrikaby#
كيف تدعم-ين الحوار المتمدن واليسار والعلمانية
على الانترنت؟