كامل الركابي
(Kamel Alrikaby)
الحوار المتمدن-العدد: 1152 - 2005 / 3 / 30 - 12:04
المحور:
الادب والفن
ورد المحبه
الصبح
بعطوره يتنده
اﺘﺴﺒﮔله
نسمة فرح
وتبوسه من خده
وتغار فراشات
تهواه وتوِّده
وبالليل..
من تنطفي الدنيه
ويظل وحده
وتجيسه
لسعة برد
واحواله تترده
يحلم
اﺒﮔطرة فجر
ترويه وتسعده
تحيي الذي من العطش
يتنفس ابشده !
.....................
بالزعل
شفت المحب
يتودد ابورده
وبالسهر
نرجس رسَم
شوﮔه على امخده
بشموع خضره
وحلم
للغايب ابوعده
يامن يفك غربته
يامن بخت عنده
ليِّشم هوه امحبته
ويتعطر ابورده !
........................
الورد
للمحترﮒ
دمه ابهجر
يهده
كل نسمه
طيبة نفس
ع اﻠﮔلب وتبرده
الورد
أجمل مهر
ماثايه لتحدّه
يسهر بصدر الترف
وينسِّم ابنهده
سيل الورد
بالعطش
ع الشفَّه
يتبده
وللجرح
ﭽف الورد
ينبض ضوه
ابوده
خافن الظلمه تجي
وع الألم تتعده
ولو..ذبل من وحشته
وتشَّوك ابسده
غصن الهجر
وانطفت فرحه
وﺒﭽى الوحده
منهو
اليواسي الورد
ويبوسه
من خده ؟
#كامل_الركابي (هاشتاغ)
Kamel_Alrikaby#
كيف تدعم-ين الحوار المتمدن واليسار والعلمانية
على الانترنت؟