للغايب ورد هيل

كامل الركابي
(Kamel Alrikaby)

الحوار المتمدن-العدد: 1075 - 2005 / 1 / 11 - 11:01
المحور: الادب والفن
    

أضم لمسة إصابيعك
على الروح
وأشِّم وردة قميصك
تنزف إجروح
واسامر من بعيد
عيونك الحلوات
واسهر ويَّ صوره ابدمي
شمعه إتبات
يسمر دوم
ترس ﮔلبي الحزن كل يوم
نسِّيني غيابك يوم
نسِّيني عذابك يوم
ياعاﺸﮒ حنين الناي
ﮔبل النوم
غفِّيني محبتك بيت
لجل فيَّه العزيز أنثر
لوَّن رديت
بدروبك ورد هيل
اوورد ياس
اوورد ماشافته اعيونك
ولاشافته اعيون الناس
نبَّع باﻟﮔلب غنوات خضره
وفرحة اول عيد
هاي الروح حلمانه
يلسمر بيها وين اتريد؟
خذها وياك
ماهي الخاطر الله تضيع
بغيابك سهر واهموم
والريح على محياها
تِّهب اسموم
والليل اليوانسها
شحيح إنجوم
خذها وياك
يسمر مابعد بيها ابهواك
تريد تسمع لوم
خذها وياك
خل مره يمحبوبي
تضوﮒ ابفي لياليَّك
حلاة النوم !


*القصيدة من غناء الفنانة الشابة بيدر البصري
والحان الفنان حميد البصري

#كامل_الركابي (هاشتاغ)       Kamel_Alrikaby#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل