كامل الركابي
(Kamel Alrikaby)
الحوار المتمدن-العدد: 1068 - 2005 / 1 / 4 - 10:22
المحور:
الادب والفن
يا عبد الكريم اﻠﮔﺎصد
الرمل ﺒﭽفوفك امرايه
روحك تنعكس بيها
فرح ورده ابطفولتها
وجرح شمس الظهيره
وصبر صفصافه
بيها الظل يظلل ناس
شافو ع اﻠﮔمر
عبد الكريم ابكامل اوصافه
وجه ضاحك حليق
وآيه من الله
النجوم اترصع اﭽتافه
.............................
طبع هادي وحنون
صديق المايملكون
نبيل
ابكل معاني النبل والغيره
وشاعر نفسه
ترسم بالشعر لون
ياعبد الكريم اﻠﮔﺎصد
احزانك عراق
الامس واليوم
وعراقك
نخل مخروم
ياعابر الصحرا
ورمل ليل الخوف
عيونك ساحت
من الشمس
وتشوف
ابعد من سراب العطش
مرات
وابعد من نهر
واهلاله
مشحوف !
17/8/2004
#كامل_الركابي (هاشتاغ)
Kamel_Alrikaby#
كيف تدعم-ين الحوار المتمدن واليسار والعلمانية
على الانترنت؟