الا ... سينما ؟

علي طالب الملا

الحوار المتمدن-العدد: 5097 - 2016 / 3 / 8 - 13:26
المحور: الادب والفن
    

الا سينما ؟؟
-سنة 1917 اول فلمين سينما مصريين و (الشركة السينمائية الإيطالية - المصرية) أنتجت الشركة فلمي "الشرف البدوي والأزهار القاتلة"
ويرجع للشركة الفضل في إعطاء الفرصة للمخرج المصري "محمد كريم" في الظهور في الفيلمين..."
-أول فلم سينمائي إيراني أخرج عام 1930، بعنوان "آبي ورابي"، على يد المخرج أفانيس أوهانيان بمساعدة المصوّر خان بابا معتضدي،
-" جبت مصر " سنه " وايران " شيعة " حتى اتجاوز " الطائفية " چا شلون !!!! ومن ذاك التاريخ لليوم كل الانتاج من قبل القطاع الخاص مو الحكومة ...
-سنة 1946 وحسب كل المصادر والشهود " العراق بلش" بفلم " ابن الشرق " اخراج ابراهيم حلمي ..
ياجماعة الخير : 70 عام مو " شوية " ؟؟؟
ليش ما عنده " سينما " بيها حظ .... حسب " اداركي " وعلى گد عقلي السبب ابدا مو " الحكومة " لأن ماكو " سينما " محترفة بالعالم " تدفع لها " الحكومة ..واذا دفعت " بسخاء " لازم " تنفذ " الذي برأس الحكومة ...
لا تصيرون مثل اهل الرياضة بالعراق .. يشعل ابو الوسط ويجند " كل المليشيات " حتى يصير " رئيس نادي " بعدها يطالب بدعم حكومي !!! مثلا ، مثلا الريال لو برشلونه لو الغرافة لو القادسية لو الزمالك " تبقض " من الحكومة .. اقسم بالله ما يصير واحد يلزم " عروة " الكرسي .. اذا ما مقدم " كشف حساب بنكي " لو على " هارد " 3 ميغا لو بسياره " بيك اب " لان اوراق الكشف " كواشر" تأكد حجم الايداعات الشخصية مالته ..
-نرجع للسينما .. واگول الخلل بالقطاع الخاص والمجمتع الذي " فرخ " احزاب ومليشيات ، ولدخول " الأمعات "
شلون !
القطاع الخاص " المنتج " يفرخ ثلاث انواع من المنتجين ...
واحد " بخيل وكحف " يركطم الشغل
واحد " سافل " حشى گدركم " يفرض " صاحبته " على العمل ويخرب الشغل
واحد " غبي " مايعرف شلون يسوي " ميزانية " ترجع فلوسه و" يتلطط" الشغل
والكارثة الاحزاب الدينية والمليشات :
اي كلمة تخص " خزي عبلاتهم " راح الكاتب "بالرجلين ".. خاصة ربعنا " الشيعة " مع العلم النبي " ص" صارت له افلام و" المعصومين " ع" كلهم طلعوا بالشاشة !!!
هنا " الكاتب " مات كل شي بيه " ابداع ورؤية وبطناشات " وخاصة اذا " طفر " ودخل بتاريخ العراق الحديث ... صور واسماء وملابس وحتى " نطاق " ابو النسر " لازم يكون خارج " النص "
واخيرا " الاخراج "
هم ثلاث انواع من المخرجين
واحد " عبقري " ما يرهم ابدا وي كل المنتجين الثلاثة .. هذا " ثروة " بلد ضايعة مثل " النخل " واگف يكابر
واحد " مزحج " يقبل باي " الشغل " بس كون بيه " دفعه " ليگدام و" انعل " ابو الشغل
واحد " غبي " صار مخرج بالواسطة والعلاقات والمحسوبيات والتهديدات بس المصيبة اكثر واحد " يشتغل " بس شنو الفايده " ماتحس بشغله اكو " سينما "
بقى موضوع " الممثلين " هذا الشي كولش حساس .. وما " احچي " بيه لان راح ادخل " النار" اذا ظلمتهم !!!
بالحقيقة والواقع موضوعة " السينما " لازم وي الخبز تدخل بالاصلاحات ولازم "نسويهم "سينما ‫-;-#‏ي_مسلم‬-;-

#علي_طالب_الملا (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات