والله ما أنا دى أختى منى !!!

حمدى السعيد سالم

الحوار المتمدن-العدد: 4996 - 2015 / 11 / 25 - 20:14
المحور: مواضيع وابحاث سياسية
    

صفحات اخوانية عامله فرح عشان حادث اسقاط الطائره الروسيه على الحدود السوريه .....
الإخوان لانهم جهلة سياسيا بينظروا للحدث بمعزل عن المتغيرات السياسيه الدائره في المنطقه ....
فيه ناس شايفه ان ده هزيمه لروسيا من تركيا و ناس تانيه مستنيه الرد الروسي بقصف تركيا بالنووي ...
اولا مافيش حرب عسكريه بتقوم بين دولتين علشان دوله اسقطت طياره دوله تانيه ....
اللى حصل ده عادي جدا و متوقع و يمكن كمان كانت روسيا بتسعي اليه ....
لان السياسه هي فن الاستفاده من المواقف !!!
أما حكاية مهارة تركيا فى اسقاط الطائرة الروسية اللى الاخوان فرحانين بها قوى أحب اقول لهم :
ولما تركيا شاطرة قوى كده ما تتشطر على الطيارين اليونانيين اللى واخدين سلاح الطيران التركي ورا مصنع الكراسي بشكل شبه اسبوعى ....
اللى بيفكر صح لازم يفكر ان من اسابيع طويله و الطيران الروسي بيتحرش بتركيا ...
و بيقوم بعمليات اذلال للطيارين الاتراك ....
طب اشمعني دلوقتي و ايه اللى جد !!!...
فياريت الاخوان وكلبهم اوردوغان ما يعملوش ابطال ويقيسوا الموضوع على انه خناقه فى حارة أو عركه في الشارع ، و بوتين هيشحن رجالته في ميكروباص و يروح يقفل اسطنبول لان الموضوع اكبر من تركيا بمراحل !!!!
الحكاية كلها تكمن فى ان الموضوع بقي ماسخ جدا ...
و قاعدين نمثل على بعض ....
الغرب عامل نفسه بيحارب داعش و هو اللى انشأها و بيحركها ....
و روسيا بتدافع عن مصالحها و وجودها ...
و مصر اوقفت خطة تقسيم المنطقه و تسببت في خسائر فادحه قد تقضي على خطة التقسيم الحاليه تماما .... فالتحالف الشرقي بعد امتصاصه الهجمه الغربيه عليه بدأ بالهجوم ...
مصر بعد امتصاصها لتخريف الربيع العربي و اجهضتها ...
بدأت تقف على رجلها و تحالفت مع روسيا و دول البحر المتوسط و فرنسا و بدأت في استعادة قوتها الافريقيه و العربيه ...
و قصمت ضهر داعش في ليبيا و بدأت في هجوم الردع بصفقات تسليحيه تصنف انها ليست هجوميه فحسب و لكن استراتيجيه .....
و وصلت لموقف من القوه انها تعلن عن اكتشافات الغاز الضخمه اللى كانت معروفه من سنين طويله للجميع... و دي رساله قويه جدا انها الان يمكنها الدفاع عن امنها و ثرواتها ضد اي طامع فيها او بيفكر يفتت البلد عشان ياخدها زي ما كانوا بيخططوا ...
و روسيا دخلت اخدت اقليم القرم من اوكرانيا لتنهي حلم خط غاز نابكو الى الابد ....
و دخلت سوريا للقضاء على كلاب الغرب السعرانه ....
فخسائر داعش و ماعش في شهر واحد لا حصر له ....
و تم تسجيل فرار الالاف منهم الى سوريا و تركيا خلال الشهر الماضي فقط ....
و ده معناه ان روسيا بتعلن الحرب العسكريه على الغرب .....
و بما ان الحروب الحاليه هي حروب بالوكاله ...
فالرد الغربي كان برضو بالوكاله ...
و تم اسقاط طائرة شرم الشيخ الروسيه كعقاب مزدوج لضرب اقتصاد مصر . و وضع القياده الروسيه في موقف حرج امام شعبها بتقاربها مع مصر ....
و بعدها تم معاقبة فرنسا ايضا ....
.القصه مش الاتفاقيات الاقتصاديه او حتي العسكريه بين مصر و روسيا ....
القصه في الحرب اللى تحت الترابيزه و اللى مفروم فيها الغرب و اللى مشتركه فيها مصر و روسيا و الصين و فرنسا و ايطاليا و الصين ...
الرد الروسي المبدئي على اسقاط الطائره الروسيه كان عنيف جدا و مزلزل للغرب بالكامل ..... بوتين قالهم طب احنا لسه بنسمي بس و بنقول يا هادي ....
مش كل الحدوته دي عشان البترول اللى داعش بتهربه من العراق و سوريا لتركيا و منها الى اسرائيل ....
و بيتقسم الدخل عليهم جميعا للصرف على العمليات العسكريه و حرق سعر البترول في السوق ....
طب انا ححرق قلبكم ...
قام طالع فاضحهم في اجتماع مجموعة العشرين و قام بعرض صور الاقمار الصناعيه عليهم لصور طوابير بالكيلومترات لشاحنات نقل البترول المسروق على الحدود التركيه تحت حماية داعش و الجيش التركي ...
و مخلصش كلامه غير و طيرانه مدمر 500 شاحنه من دول في غاره واحده ...
و بعدها كان بيضرب مصافي البترول و البنيه التحتيه لمصافي النفط المستولي عليها داعش ....
يعني بيقفل علي تركيا و امريكا و الغرب حنفية الفلوس ....
.وبعدها بكام يوم وقع اتفاقية المفاعل النووى المصري ....
و ده معناه ان التحالف المصري الروسي حيبقي على اعلي مستوي سواء امنيا او عسكريا او اقتصاديا او سياسيا ...
.اما موضوع الطياره السوخوي اللى حصل كان مترتب ليه كويس جدا ....
اللى اتعمل ده بالعرف العسكري كان كمين و ليس اشتباك يعني اتاخدت على خوانه ....
و ده اللى قاله بوتين بالنص " تم طعننا من الخلف من دوله تمول الارهاب "...
لان الطياره السوخوي لو كانت في اشتباك كان الموضوع حيختلف تماما ....
فالكاميرات كانت مجهزه للتصوير في المكان و الزمان فوق جبل في منطقة شديده الوعوره و مفيهاش بني ادمين ....
و الزوم بتاعها جايب طائره حربيه صغيره من 6000 متر .....
يعني من الاخر كده الترتيب ده مايطلعش من الاتراك ....
و ده اللى خللي البنتاجون يلحق نفسه و يطلع تصريح يقول فيه و المصحف الشريف ده اردوغان مش احنا ... احنا ملناش دعوه والله ما أنا دى أختى منى ...
القصه كلها انهم عايزين يجروا روسيا لمستنقع الحرب البريه في سوريا باي طريقه بعد فشلهم في جر فرنسا ... و بعد ما اتفاجئوا من رد فعل فرنسا بعد حادثة باريس ان بدل ما فرنسا تخش تدك سوريا ...
وجدوها بتزود التنسيق الامني مع مصر و روسيا و هولاند طالع بعدها بيشكر مصر في دعمها الامني لفرنسا.....
كلى ثقة أن الرد الروسي حيكون غير مباشر ...
يعني مش حرب مباشره لكن حيكون رد عنيف و آثاره مباشره .....
لان الحرب الحاليه مش حرب مباشره و اللى بنشوفه و بيوصلنا هو فتات الفتات ....
لكن الاكيد ان اردوغان دلوقتي بنطلونه مبلول و ماشي بيكلم نفسه ....
.بلاش نستعجل لان الموضوع بقي ماسخ و حان وقت انهاء القصه البايخه دي ...
على طريقة الدنيا لازم تولع شويه عشان تنطفي بجد و نخلص بقي ....
حمدى السعيد سالم
صحافى ومحلل سياسى واستراتيجى

#حمدى_السعيد_سالم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل