هرتلة -موافى و خطة حكم العسكر لمصر 500 سنة قادمة

جاك عطالله

الحوار المتمدن-العدد: 4984 - 2015 / 11 / 13 - 08:10
المحور: العلمانية، الدين السياسي ونقد الفكر الديني
    

معلش عاوز اتكلم خمسة جد لارد على واحد يستغفل المصريين
السيد مراد موافى رئيس المخابرات المصرية الاسبق كاتب كلام خطير عن مؤامرات ضد مصر ويبلبس العاطل فى الباطل على صفحته فى الفيس بوك منقولة من شبكة ايجى الاخبارية المصرية
-------------------------
مراد موافي رئيس المخابرات السابق علي صفحته:-
لازم نفهم ابعاد المؤامرة كاملة ..
لازم نفهم ان 2016 هو ميعاد تنفيذ الخطة (جيورا لاند) وهي تبادل الاراضي بيننا وبين اسرائيل واللي وافق عليها الجاسوس مرسي .
----------------
الرد من جاك عطالله
اشمعنى 2016 مع ان الكلام ده كان ممكن تنفيذه بسهولة ايام سينا ما كانت تحت الاحتلال الاسرائيلى بالكامل من 67 الى 1982 ؟؟؟؟ ياريت تجاوب انت او حد مخليك تكتب الكلام ده
---------------------
مراد موافى _لازم نفهم انه مش اشاعة مبلغ 8 مليار دولار لتنظيم الاخوان في مقابل التوقيع علي استبدال الاراضي لتوسيع غزة .
_لازم نفهم ان ابن خيرت الشاطر لما قال ان ابوه اهم عند امريكا من مرسى لم يكن اشاعه لان الاتفاق كان برعايته
_لازم نفهم ان الموضوع خلال وقت قصير حيشكل فضيحة فعلا لاوباما وحزبه خاصة انه بيمس دافع الضرائب الامريكي فلابد من خروج اوباما ليعلن من ممول العملية
هل الولايات المتحدة ام اطراف اخري ...؟؟
-----------------------------------
رد جاك عطالله
بص يا لوا مراد موافى الاقتراحات دى كانت مقترحات فلسطينية وممولة من السعودية لكسر شوكة مصر العدو التاريخى للسعودية
-------------------------------
مراد موافى _لازم نفهم ان خرس حماس اليومين اللى فاتوا بعد جعجعة الاربع كلاب اللي اختفوا في سينا مدروس بعد فشلهم في تحريك الشعب المصري خطوة واحدة تجاههم
_لازم نفهم ان الادارة الامريكية وافقت علي الخطة بتوصية من CIA وبمباركة صقور المحافظين الجدد وان البنتاجون رفضها بناءا علي دراسات لطبيعة القوات المسلحة المصرية
والرفض جاء وقت وجود الجاسوس في الحكم

----------------------------------
رد جاك عطالله
كلامك متناقض تماما
بتقول امريكا نفذت الخطة الاسرائيلية للاخر وادت الاخوان 8 مليار بناء على موافقة مرسى وضمان الشاطر وابوه ؟؟ وبعدين تقول بعدها بسطرين ان البنتاجون رفضها وانها ما اتنفذتش ؟؟؟ ما ترسى على بر يا مراد باشا ؟؟
------------------------------------------------
مراد موافى : لازم نفهم ان الحملة علي مصر حتستمتر بوصفها المعطلة لما يقولون انه الحل النهائي لقضية فلسطين وهو شبه الحل النهائي لقضية اليهود
اعطوا ارضا بلا شعب لشعب بلا ارض
_ لازم نفهم حاجة مهمة جدا جدا جدا أن 30 يونيو وعزل مرسي واقصاء الاخوان من الحكم جعل من مصر قوة دافعة لاستقرار الشرق الاوسط بعد نجاح الفوضى المتاسلمة الخلاقة في تدميره
_ لازم نفهم انهم ورداً علي فشلهم في تحقيق هدف التبادل انهم مش حيسيبوا مصر تتقدم خطوة واحدة - تقدم مصر معناه اعادة التأثير علي المحيط المعادي لأسرائيل وتقويته بعد عملية أضعافه - حتى لو المحيط مش حيدخل حرب ضد اسرائيل كفاية محاصرتهم في منطقة ضيقة وافشال الجدوى الاقتصادية والسياسية لوجود اسرائيل علي المستوى البعيد

--------------------
رد جاك عطالله
برضه كلام يناقض بعضه
حكم السيسى استقرار للشرق الاوسط ؟؟!! امال الحرب علينا من كل اتجاه ايه ؟؟وانت بتبيع لنا الوهم لغاية العسكريين ما يخلصوا هذم مصر ويقعدوا على قلبنا 500 سنة تمام زى ما الاخوان كانوا بيخططوا لابتلاع مصر
فشل للخطة الامريكية اللى اصلا اقتراح فلسطينى ممول من السعودية وافقت عليه اسرائيل بشرط موافقة مصر
طب امريكا ما تبنتش الخطة اصلا بكلامك نفسه لرفض البنتاجون؟؟؟وبالتالى مفيش تمويل تم ؟؟ وايضا رفض مبارك؟؟؟ورفض عباس وقبله عرفات؟؟؟
-------------------
مراد موافى _ لازم نفهم أن كل التقارير الاسرائيلية من مراكز الابحاث واخرها INSS والصادر هذا الاسبوع فسرت التسليح المصري بأنه (يمثل خطراً على وجود إسرائيل) وكلمة وجود ظهرت اول مرة بعد غيابها 40 سنة عن التقارير واستبدالها بكلمة (أمن) يعني الحملة على مصر في أولها .
-------------------------------
رد جاك عطالله
رجعتوا للعب على الحبال و الطنطنة حول العدو الاسرائيلى المحتل
مصر مرتبطة بمعاهدة سلام مع اسرائيل تحترمها مصر تماما ولم تعمل يوما ضدها واسرائيل مبسوطة ومنشكحة من الجيش المصرى وكل الانظمة ومن الحكومات المصرية من السادات وطالع و العلاقات سمن على عسل والسفارات مفتوحة وفيه تعاون عسكرى قوى وغلق للممرات وتبادل مخابراتى و سياسى على اعلى مستوى وحماية كاملة للاسرائيليين وزيارات سرية متبادلة على اعلى مستوى ؟؟؟!!!! والتسليح بموافقة من امريكا واسرائيل وبلاش عنترة فاضية والا ماكانتش امريكا ادتنا الاباتشى والدبابات وباقى المعدات العسكرية وماكانتش اسرائيل سمحت لك بدخول فرق كاملة من الجيش المصرى لسينا بتسليح عالى

-------------------------------------------------------------
مراد موافى
لازم نفهم ان ايان كان سبب سقوط الطائرة الروسيه ف المستفيد منه الاول اسرائيل و امريكا و بريطانيا و تركيا لضرب التحالف بين مصر و روسيا ....و لضرب الاقتصادى المصرى عن طريق ضرب السياحة التى تعتبر المورد الاول للعمله الصعبه للاقتصاد المصرى يعنى مش صدفه .
_لازم نفهم ان مصر و رئيسها اصبح حجر عثرة فى وجه العرل لاستكمال مخططاته الذى بدائها فى 25 يناير ..مصر تقف امام تقسيم سوريا ..وتقسيم ليبيا ..و تساند اليمن
مصر و قواتها المسلحة و شعبها افشل مؤامرتهم
أحنا بنواجه حملة شرسه مع اراء متطرفة في الخارج لضرب القدرات العسكرية المصرية (حقيقي) وتسليم سيناء كاملة لأسرائيل لأنهم ( ويا للسخرية) يرون مصر العائق الوحيد في حل مشكلة الشرق الأوسط الاساسية وهي فلسطين على اساس دولتين وده اللى اعلنه اوباما من ايام..و اعلنه نتنياهو اليوم فى البيت الابيض انه بيدعم حل الدولتين
مسالتش نفسك ليييييه دولوقتى محمود عباس بيعترف ان الجاسوس مرسى كان هيسلمه 1000 كيلو متر من اراضى سيناء الحدوديه مع رفح الفلسطينيه .
وليييييييييه الحرب السرشة اللى بتتعرض لها مصر و السيسى الان ؟؟
يبقى السؤال منيييييين هيجيبوا ارض لدوله فلسطين ؟؟؟
لازم نفهم أن اللي حيثبت الايام دي هو المصري الحقيقي اللي أصوله وجذوره مصرية زرعت فيه جينات الشعور ب الخطر والغضب والتضحية والانتصار للوطن

----------------------------------
رد جاك عطالله
يا سيد مراد موافى المحترم
الطائرة الروسية فشل مخابراتى وامنى لمصر وروسيا بالمقام الاول والاخير - يمكن اسرائيل كانت عارفة ومعاها امريكا وانجلترا بطريقة نص متاكدة تم التاكذ من الشكوك بواسطة التنصت على مراسلات الارهابيين دواعش مصر وانجلترا و سوريا والعراق لكن لكن الخطأ الاساسى يقع فى شرم الشيخ وموسكو والقاهرة و هو فشل امنى مخابراتى ذريع روسى ومصرى لانهم ناموا على مقوله مضحكة ان الامن مستتب مع ان الغارات الروسية والمصرية كانت مؤثرة على حجم وتسليح وخطط داعش وبالتالى دراسة نفسيتهم وسلوكهم الاجرامى كان يقرر بالتاكيد وجود عمل انتقامى كبير يستهدف المدنيين وخطا مصر فادح باستمرار وجود السلفيين فى مواقع مسئولية و عدم التفات السيسى لدرس السادات الموجع الذى سيتكرر ان لم يتم فورا تطهير كافة المواقع المصرية الحساسة من انصار الاسلام السياسى بكل اشكالهم
اسمحلى نبش قضية تبادل الاراضى من مقبرتها القديمة هو فيلم هندى ردىء الحبكة-- الخطة فشلت من ساعه طرحها ولا مجال لها الان اتحرقت بالمصرى واعادة بعثها ضحك على ذقون المصريين وتبرير لفشل امنى مخابراتى وفشل سياسى واقتصادى فى ادارة مصر لانها تتم بعسكرة تامة وخطيرة لكل مفاصل مصر - حلول مشاكل مصر المستعصية ستبدأ بقيام رئيس مدنى محترم ومؤيد من مجلس الامن باعادة الجيش لموقعه الاصلى للدفاع عن الاراضى المصرية كما كان ايام الملكية ولا يتدخل بالسياسة مطلقا وحماية دستور مصرى مدنى علمانى واطلاق الحريات الاساسية و وقف كل التجاوزات الشرطية والعسكرية ضد المدنيين طبيعى تقف تركيا والسعودية وقطر ضدنا لاننا نمثل خطر على اجنداتهم الاقليمية وخططهم بابقاء مصر شحاته ومنهكة
--------------------

ومن الاخر علشان نخلص من الموضوع
معلش ها اقولك الزبد فى الخطة الهلامية اللى ذكرتها- حكاية ودنك منين يا جحا دى فى الخطة الفاشلة ردها سهل ومفحم ومنى انا شخصيا -- ماتدى اسرائيل هذه المنطقة فى صحراء النقب لفلسطينيى غزة مباشرة وتاخد ضماناتها الامنية الدولية منهم ؟؟؟ ليه بتسرح بينا يا سيد مراد؟؟ ياريت تقترح على اسرائيل الاقتراح ده بدل الهرتلة المكتوبة على صفحتك وياريت تفهم ان مستقبل مصر موش ها ينفع لا مع العساكر ولا مع الاسلام السياسى فلتعد مصر ديموقراطية ولنحاكم ولو تاريخيا كل من قاد انقلاب 1952 الذى افلس مصر من جميع النواحى
وكفاية تهريج

#جاك_عطالله (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل