النبى توفيق عكاشة وغار حراء - مصر يحكمها الامنجية

جاك عطالله

الحوار المتمدن-العدد: 4980 - 2015 / 11 / 9 - 19:48
المحور: العلمانية، الدين السياسي ونقد الفكر الديني
    

نبشر العالم جميعا بظهور نبى جديد والحاضر يبلغ الغايب -

لاول مرة النبى مصرى ويا حسرة بعد غياب الالهه امون واتون و الهه الفراعنه حظنا طاح على اخرة الزمن ونزلنا ميت درجة لتحت وبقى يطلع عندنا النبى عكشة الاول عليه افضل الصلوات والتسليم

ايه بقى حكاية النبى عكشة ومين ورقة بن نوفل اللى واقف وراه وبيؤيد نبوته ؟؟
خلينا نجيب من الاخر

من علامات ارسال النبى عشكة نبؤات وايات تتحقق على يديه المباركة

عدة تنيؤات يطلقها عكشة ليؤكد للبشر اجمعين ان النبى توفيق عكشة بينزل عليه الوحى من جبريل اللى هو سامح سيف اليزل فى غار خراء اللى فى قبو داخل لاظوغلى مبنى الامن الوطنى وبيكون معاه فى غار خراء الصحابى الجليل عبدالرحيم على ثانى اثنين اذ هما فى الغار -

طبعا علشان تجيب نبى يلزمك غار حراء ؟؟؟!!! ومفيش مشكلة عندنا غار خراء اللى فى لاظوغلى وتمويها بيسموه مبنى الامن الوطنى علشان الكفار ما يعرفوش

ولازمنا ست غنية زى خديجة جاهزة وبتقول شبيك جابوله حياة الدرديرى تموله بس هية فقرية ودبلوم تجارة مالهاش الا فى رضاع الكبير ؟؟ فتبرع الامن الوطنى مشكورا والحسنة بعشرة امثالها بمصاريف الدعوة النبوية واهى الست حياة رضى الله عنها بتموله فى السرير بالالهام المكين و هى خبيرة ايضا بامور البانجو والحشيش

ولازمنا واحد يعمل ورقة بن نوفل وما اسهل !!!!
اللوا سيف اليزل رجل الامن الوطنى وزعيم الامنجية بدولة الامنجية العظمى جاهز وجرابه مليان ايات واهم اياته العظمى قائمة فى حب مصر وهو اكبر شيف فى الرياسة والحقيقة هو عجبه دور جبريل كمان فاخده طفاسة

ازاى بقى ها ييجى الالهام للنبى عكشة ويعلن السور العكشانية فين ؟؟؟

طبعا بقناة الفراعين التى يمتلكها الامن الوطنى مع اخواتها القنوات الاخرى اللى بيشارك فيهم ايضا بفلوسنا ولاد الرفضى

احداث ستحدث بعد اسبوع او اتنين تاتى له من الشيف ريس مطبخ الرياسة الذى يمده بالتكهنات التى يصيب معظمها بصفتها احداث يعمل عليها الامن الوطنى وتكون بطور التنفيذ الوشيك فيقولها النبى عكشة فى قناته كنبؤات

اللعبة مشيت حلاوة نظرا لامكانيات النبى عكشة التى تناسب الطبقة الجاهلة الامية والفقيرة جدا وهى ستين بالمية من الشعب المصرى فانتشرت الفترة الماضية عدة فيديوهات وتسريبات عن توفيق عكاشة النبى الجديد المرسل هداية ونور للمصريين وللعالم اجمع

يخرجوا من هنا فى عتمة الليل ومعاهم النبؤات الملائمة القادمة من جبريل

و يدخل من باب اخر للتمويه على الكفار باقى الصحابة الاجلاء الامنجية احمد موسى و مصطفى بقرى و سيد على ووائل الابراشى ومرتضى منصور و خالد ابو بكر وعمرو اديب ومراته للتدريب و التعبد والسجود لجبريل وتسييل الشيك

و يليهم طبقة الصبيان اللى لسه بيتمرنوا فى غار خراء ---من باب تالت برضو للتمويه على الكفار اللى هما احنا

يارب ارحمنا موش كفاية بقى ياسيسى والامن الوطنى شغل الفناكيش واللعب بعقل المصريين الملايين اللى بتتصرف على البلغ القديمة المحروقة دى ؟؟؟؟

اقل واحد بيقبض مليون دولار فى الشهر ليجعل الفسيخ شربات للمواطن اللى بياكل خرا ويشرب مجارى وبيته اتهد فى السيول ؟؟

وفى الاخر الامن الوطنى يخربوا بيتنا بقتل السياحة لانهم موش فاضيين يراقبوا المطارات بما يرضى الله ؟؟

امتى نخلص من غار حراء والقابعين فيه ومن هؤلاء الانبياء الكذبة المهروشين لدى الطبقة المتعلمة والوطنية ؟؟

الاله امون الله يرحم ايامه مالها ؟؟؟ماكانت ايام ذهب وياقوت ومرجان ؟؟وكنا ارقى دولة ونحكم العالم بالحضارة والرقى ؟؟؟

دا لسه امة التنابلة المصرية عايشة من خيره لغاية النهاردة ؟؟؟

اللهم ارفع غضبك وسخطك عنا -اللهم ارجع لنا الاله امون سالما غانما و ارفع نبيك البلوة عشكة و اللى مشغلينه عن نافوخنا اللهم امين

#جاك_عطالله (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل