قصيدة رسالة لروح أمى

مصطفى راشد

الحوار المتمدن-العدد: 4879 - 2015 / 7 / 27 - 16:48
المحور: الادب والفن
    

قصيدة - رسالة لروح أمى
-----------------------------
ياأمى قلبى حزين وعّنَيِا فيها دموع
ليه ياأمى فراقك يكون قدر ومقسوم
من بعدك نسيت السعادة وبقيت مهموم
عايش ميت مبعرف فات أو باقى كم يوم
دا الدنيا من بعدك لا ليها طعم ولا ليها لون
يامه الدنيا من غيرك جحيم ودموع
وفراقك سببلى جرح كبير
تركتينى وحيد حزين مكلوم
مشتاق لحبك ياأمى المليان حنين وشجون
ياللى كنتي ليا السند والمشورة والعيون
يامه أنت الصدق والطيبة والأدب والأمان
بعدك ياحبيبة مفيش أحباب
أنتي أول من حبني وأخر الأحباب
ياللي حبك من غير غرض ولا غية ولا عتاب
ودايماً بتعطي من غير متنتظرى الثواب
وكنت بتضحي بروحك عشاني من غير أسباب
ياأمى أنا فين وأنتي فين وأمتي يتجمع الأحباب
عشان أقُبِل إيدك الطاهرة وأشوف في عينيكِ الرضا
وأسمع منك الدعا أللي يطمن النفس والأهداب
ياأمي الحياة من غيرك باهتة وسراب وعذاب
ياأمي حبك فى دمي أكبر من تخيل الكتاب
وأَسّما من كل حب حكي عنه فيلم أو كتاب
أو رسمه فنان علي لوحة فوق حائط أو باب
ياأمي نفسي أشوفك وأسمع صوتك
أنتي وحشاني رغم ان الدنيا محاوطانى
حاسس بغيابك وأني وحدانى
بضحكلهم ياأمي لكنِ حزين جوايا
ومش عايز أصدق أنك متِ ومشيتي
وبنتظر صوتك يناديني فتحيني
أااه يامه أه
قد أيه قربك كان مطمنى
وبنجح عشان سعادة ورضاكِ يا أمى
عايش مش قلقان عشان عندى أمى
كنت سعيد فرحان عشان عندى أمى
وأنتي أللى كنتي فى نجاحي بتسعدى وتهتمى
ياأمي طااال غيابك واتجوزت فى غيابك
وخلفت الواد اللى كان نفسك فيه
وحلمت انك جايه عشان تشوفيه
وخلفت التانى والتالت ولسة منتظرك يامه
عشان تيجي وتشوفي أحفادك وتجَمَعِي اللمة
وتعلميهم زى معلمتينى – أااه يامه
أنا لسه فاكر كلامك
رغم مرور 30 سنة وشوية
لازم تكون يابني صادق وأمين
وتحب كل البني أدمين
من غير ما تسأل عن أصل أو دين
يابني كلنا بني أدمين
ومفيش حد من البشر يعرف الحقيقة عند مين
وأوعي لصاحبك فى يوم تخون
أو تخالف يوم مبدأ أو قانون
أعترض أو ناقش بس بالأصول
وذاكر وأفهم قبل متتكلم وتقول
وأوعي فى يوم تضر إنسان أو حيوان
وخليك دايماً مسالم لأن العنف من الشيطان
وسامح على قد ماتقدر لأخيك الإنسان
أاه يامه أه
كان نفسي تَعَلَمِي ولادي زي مَعَلَمّتِيِنى
يامه نفسي أبوس أيدك زي زمان
يامه قلبي حزين وعنيا فيها دموع
وقلبى كتير موجوع
أمتي تيجي ونجتمع زي زمان
ولادي بيسألوا عنك
عايزين يشوفوا أعظم إنسان
عرفته الأرض عبر الزمان
أاااه يامه
أبنك - مصطفى راشد

#مصطفى_راشد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل