حوار غنائي مواطن مصري

جمال الشرقاوي

الحوار المتمدن-العدد: 4793 - 2015 / 5 / 1 - 19:40
المحور: الادب والفن
    

حوار غنائي ( مواطن )
أسد الشعر العربي ( جمال الشرقاوي )
حوار غنائي - مواطن مصري -
من كلمات الشاعر الغنائي - جمال الشرقاوي -


أنا مواطن بقول مصري
بقول للأمة العربية
بكل الحب يــ بلادي
عايزين نقلة حضارية

نقتل فينا جهل زمان
و نبني بيئة الإنسان

عايزين ثقافة اجتماعية

[1]

لازم ندِّي الطريق حقه
و ليه نكسر حياء الناس
نبطــَّـل نزعج الماشيين
فــ أي مكان بلا إحساس

و لا نقعد شمال و يمين
نتعب ناس رايحين جايين

يــ ريت نكون احنا الحُرَّاس

[2]

كفاية نعبد الإنسان
شيخ سلفي و عاش فــ زمان
مَهي الأيام بتتغيَّـر
و فكر قديم و أصبح كان

كفاياك دم يآ إرهاب
كفاية الفجر منــَّـك داب

سيبولنا الرحمة فــ الأديان

[3]

بلاش نسهر لنـُص الليل
نضيَّـع يومنا ع القهوة
يوم ورا يوم و عمر قليل
يجري الزمن علىَ سهوة

لا ينفع نبكي نتألم
لا ينفع نشكي نتكلم

و لا نبرَّر نقول هفوة

[4]

نضافتنا من الإيمان
شوارعنا معانا كمان
لازم تنضف كما الماضي
و اللي بيحصل دة إسمه جنان

ليه بنجيب التعب لينا
ليه بنقتل روحنا بإيدينا

نواجه ... دورنا جالنا الآن

[5]

يــ ريت أخلاقنا تتحسِّن
يــ ريت ألفاظنا تتهذب
فــ بيتنا العقل يتأمـِّن
و الأب يربي و يأدِّب

يــ بني إسمع كلام والدك
دة أكتر قلب بيحبَّــك

عشانـَـك يبكي يتعذب

[6]

يــ ريت نلبس ملابسنا
تكون معمولة علىَ ذوقنا
تكون الموضة شرقية
يكون تصميمها من راسنا

ليه نقلـِّـد يــ ناس الغرب
مهو بيعلن علينا الحرب

بيضرب فينا إحساسنا

[7]

بلاش نهدر مصادرنا
و نهدر نقطة الميَّـه
عشان زراعتنا أراضينا
هتموت شوية بشوية

أعدائنا ديابة حوالينا
سرقوا الكحل فــ عنينا

سرقوا النيل من غير أدميَّة

[8]

رغيف العيش دة للفـُـقرَا
يــ صاحب الفــُرن م تغشش
لو بعت القمح للكُبَرَا
ليك النار فيها تعشش

و لا تعمل سوق اسمها سودة
هترد عليك برضو بعودة

هتمرض .. تسكر .. و تحشش


أنا مواطن بقول مصري



القاهرة - أبريل - السبت 3 - 4 - 2015 م الساعة 5 صباحاً - جمال الشرقاوي - كاتب و شاعر -

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل