قصيدة أسد الشعر العربي و الوطن ..... أو ( أنا و الوطن )

جمال الشرقاوي

الحوار المتمدن-العدد: 4003 - 2013 / 2 / 14 - 08:40
المحور: الادب والفن
    

أنا مش هشحت وطن
من مجرمين
و لا هأجر وطن من شحاتينْ
أنا هدافع عنـَّـك بكل ما أملك
يا وطن الحيارىَ و الغاضبينْ
أنا ..... و الوطن توأمِي
جسم واحدْ
قلب واحدْ
عقل واحدْ
ليه الإخوان و السلفيينْ
بيقسِّـمونا اتنينْ ؟؟؟!!!
دولة نصارىَ و مسلمينْ !!!
أنا و الوطن
فــ الإنسانية بني آدمينْ
روح واحدة
مش مذاهبْ
كله ذاهبْ
لرب واحد
فــ وقت واحد
لو لينا ألف دينْ
أنا و الوطن
مش طوايف
م الكل شايف
ليه يفرَّقونا
يبعدونا
يعذبونا
يسحلونا
ليه يخلونا يــ ناس فريقينْ
ليه يخلونا متناحرينْ
نجرح بعض
نكره بعض
و لاَّ نقول مين مع مينْ
أسد الشعر العربي بيسأل
الإخوان و السلفيينْ
منهم فيهم أهل الدينْ ؟!
و الليبرالي
و العلماني
و لا يساري
و لا مُعَارض دُول كافرينْ ؟!
أسد الشعر العربي بيسأل
أم نقاب من أهل ( الجنة ) ؟!
و ام حجاب ليها ( الأعراف ) ؟!
و المتظاهرة و المحتجة
إفتي و قول يــ سيادة المرشد ؟!
م التحرير للمصريين !!!
المتظاهرة دي أمي و أختي
ليه تجرحوا فيهم عفتهم ؟!
ليه ناويين تقتلوا كرامتهم ؟!
ليه عايزين تفضلو خاينينْ ؟!
و لاَّ ابو دقن الشيخ و العابدْ ؟!
أربع نسوان يبقىَ دة زاهدْ ؟!
و اللي بيحلق دقنه دة فاسق ؟!
عايش بين المَـنزلتينْ ؟!
يــ أهل الإسلام السياسي
فــ إيديكو الحل الديبلوماسي
من غير الشباب م يموت
من غير م الوقت يفوت
ترحلوا و انتو ندمانينْ
تدراوا عاركو و كدبكوا
تسيبو مصر لأهلها
مصر يـــ ناس للمصريين
أسد الشعر العربي قالها
أنا و الوطن
مش خايفين أبداً منـُّــكم
و لا يرعبنا فــ يوم سجنكم
إضربونا
إسحلونا
إقتلونا
هيجي غيرنا ألف شعب
ألف جيل طالع جديد هيذلكمْ
و هترجعوا مُشتتينْ
أيوة يآ تنظيم و سري
أيوة يآ حزب العجايز
و الطرايف و الغرايب
يآ جماعة محظورينْ
أنا و الوطن
عايشين ألمْ
ناكل ندمْ
نشرب دموعْ
لمَّا انخدعنا فــ الملالي المجرمينْ
إللي أفتوا حلال جماع المَيِّـتينْ
و اللي أفتوا بالرضاعة للكبير
و اللي أحلوا دم ( ميكي ) إبن ( ماوس ) !!!
هما دول الآثمينْ
شوفوا كام شهيد شاهدينْ
طير و أخضر فــ الميدانْ
رغم جمع البلطجية
و السفالة الإخوانجية
بتحمي ثورة فــ مهدها
من حراميَّة و شيَّاطينْ
م الإخوان و السلفيينْ
فــ الميدان متخفيينْ
أنا و الوطن
ماسكين فــ بعض
حاضنين بعض
ضهري فــ ضهرك يــ وطن
يــ نعيش سوىَ أو مقتولينْ
بس افتكرني يــ وطن
لو قتلني الغدر عافية
و اترميت ع الأرض منك يوم طعينْ
غرقان فــ دمي و إيدي فــ إيدَك
إفتكرني يــ وطن
لو بقيت يوم شهيدَك
مهما هتعدِّي السنينْ
أسد الشعر العربي
يآ وطن لسة حبيبك
عدِّي بيَّه يآ وطن بين ربوعَك
قبل م انزل فــ الترابْ
بُعدي عنك دة العذابْ
ساعتها مش هبقىَ حزينْ

القاهرة - فبراير - ليلة الأربعاء 13 - 2 - 2013 م الساعة 3 ليلا - جمال الشرقاوي - كاتب وشاعر -

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل