الغرب الكافر

آدم مناصره

الحوار المتمدن-العدد: 4786 - 2015 / 4 / 24 - 23:07
المحور: الادب والفن
    

الغرب الكافِر!
***
فاجِر وداعِر وداشِر, قالوا فيك العَرَب يا غَرب الأخلاق طامِر
مُؤامرات وخُبُث ومكائد وجرايم, ما فيك تعيش بلا هالدوائر
السَّم بطبخه إنتِ يا فنَّان, وبتوزيعه عَ الشُّعوب بوق ماهِر
إخترعتِلنا الدَّوا, يلي فِيّو الشِّفى, من غِوى شرقي عاهِر
جِبتِلنا النُّور بالبيوت, بِحاراتْنا العَتْمِة قَتَلْتْهَا يا أَصل المَصايِر
والمَيّ من قاع الأرض طُلتْها, ونظَّفتها بِرَيّ أجسَادْنا عامِر
ومِن الكيميا والفيزيا والحِساب, ليوم القيامة نُقعُد نسامِر
يا إبني, أَبوك بلَا الغَربي قَهِوْتُه والدَّلِّة والفِنْجَان وَهِم طايِر
مِستِر جون قام وجاب, ورا المحيط شاي فيو الغِوى ساهِر
علَّمونا الغزَل, مِنُّو ألوان, وببيوت الفَن, الشِّعِر موليير كاسِر
شِكسبير, يا كبير قومَك بزَمانَك بكِّير, المسرح بحُبَّك غامِر
يابا هذول كُفَّار, المسيح حِفِي بينهِن, ونبِيَّك محمد مهاجِر
الحكي أَصْلُه دَمَار, خِرِبْ بيتنا بقُصَص مَكانها بالعقل شاغِر
لو خاف أديسون من رب النَّار, كان النار بتوكِل فينا يا شاطِِر
لو رَجَف نيوتُن من تُفَّاحتو, كنَّا بعِدْنا مْنِحْكِي بالزَّاجِل الطَّايِر
بتهوفِن من الموسيقى, بنى تعريف السَّميع العليم القاهِر
موزارت وشوبين وباخ وفيردي عناوين وما فِيِّي دونَك فاغنِر
بالغَرب بحاربوا بالدِّين! يا إبني تعلَّم, الانسان بطبعه مُغامِر
لا تقُلِّي رَبَّك مِين, لا تجِيب سِيرِة غِيرَك بالعاطِل يا مْسافِر
بلا مِنها حاجة التَّغيير, غصِب عنِّي ما في شي بِالقُوِّة صايِر
تَعال وحَاكيِني بْحِجِّة العَقِل والتَّدْبِير, الشَّرق مِن جوعُه كافِر
حافي وعَريان من يوم الزِّير, وجَميل بِبُثَيْنَة لليوم الحَال غايِر
بِنَام وبِحْلَمْ عَ صُوتْها مَسكِين, هَمُّه يذوقْها من جوعُه فاغِر
لو شو ما حكولوا الا يقول آمين, طالما هالآية لِلجَسَد صايِر
عقولنا مْسَكَّرَة حُكُم الخِتِم تَدبير, حَرام التَّعدَي عَ الله قاهِر
حُكُم مَعرِفتُه رجال الدّين, إلتعَن الإنسان فينا, ع قَهْرُه صابِر
أخلاقنا قياسها بين رِجْلِينْ النَّسَاوِينْ, كِذِب الرّجال مِلِح فايِر
إيمان على شاشات المؤمنين الدعاء ب لايك وكومنت عاقِر
قال وشو يا صاحبي؟ الغرب كافِر واهل الشرق ايمانها عامِر
روح خيَّا روح, إنسى هالحال, دَوِّر ع قرنة تنتِمي الها تفاخِر
إنَّك اصلاً إنسان, ولَحن الحياة لازم فيك يكون نوتة فن ظافِر
وآيات رَبَّك فيك, يكون وجودَك بِهَالدِّنيا بالرَّحمِة عِنْوان شاهِر

****
الف.ميم
النَّاصره

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل