للجمال ...وللعشق والهيام ...لنسائنا .

صادق محمد عبدالكريم الدبش

الحوار المتمدن-العدد: 4741 - 2015 / 3 / 7 - 12:29
المحور: الادب والفن
    

للجمال ...وللعشق والهيام
لنسائنا الطيبات ...أهدي هذه الدارميات والزهيري والتي أخترناها لكم ، نرجوا لكم عيدا سعيدا مقرونا بكل الأماني الطيبة ، مع موفور الصحة والعيش الكريم .
هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك
هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي .
يسألني البطران تشرب عرق ليش
هم سقم هم فراق هم لوعة الجيش
يسألني البطران اعربلي كان
حسباله مثل العام عقلي بمكانة .
الدارمي
بغداد انتي الامل بغداد انتي الحيل....
لازم يجيلج صبح مهما يطال الليل....
ارد امشي للعراف وارد انشده بهاي.....شو كلبي ناره تزيد من اشرب الماي
لاتمشي للعراف كلفه المسافه....الكلب جمره يصير لو ولفه عافه .
الذيب يذكر طيب هم من تربيه ... ينكلب عكرب ليش أبنادم شبيه....؟؟؟
ارد اسأل الحكام واهل العداله ... لو مصخ ملح الزاد شتحط بداله .
سلمتك الدلال وبتوته كلهن
ظلت بكيفك عاد تكطع تشدهن .
شجــاهن
عيوني من الدمع تغرك .. شجاهن
ولاواحد عرف علـــتي.. شجـاهم
اصيــح بصوت ياعالم.. شجاكم
انا المجروح محد صد اليه .
امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه .
الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه .
أمرني وألبيلك عسل بيك
عساهن بيه يفترن عسه البيك
حنضل لو ضكت خدي عسل بيك
ومن شفتك للنهد وجبه شهيه .
كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه .
صادق محمد عبد الكريم الدبش
7/3/2015م

#صادق_محمد_عبدالكريم_الدبش (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل