شلونك ياعراق ( شعر شعبي )

عماد عبد الكاظم العسكري

الحوار المتمدن-العدد: 4669 - 2014 / 12 / 22 - 22:31
المحور: الادب والفن
    

شلونك يا عراق
ابداعتي شلونك
أحاجي الناس كلها لخاطر عيونك
وإذا لامتني العذال ما اضنن يلومونك
أضمك صفحة بكتابي
اخافن لا يمسونك
إنا الما غيرتني إلـ آه
وسنين الجمر وياك
ضكت شحصد ماعونك
دخلي إلي يلوم أيلوم
بس كع اليهدمونك
نتقاسم خبزنا وتذكر الشدات
ما منه اليخونونك
افزع يا علينا وشوف شنهو ألصار
المصايب نرتضيها وكلنا يا عونك
واندب يا جرح وأتعكز أعله إلـ آه
جيف إلـ آه تسعر من يخضبونك
اجيت بلا قصيدة وردحن الجلمات
من شفت الطفل مكسور بعيونك
ناغيت أبودادي وشهكتي العشار
والبصرة أتعرفني مسومر أبلونك
أفرمن لهفتي اتلكاك
وأخصك جلمة اشلونك
شلونك يا عراق ابداعتي شلونك
وأخذني أنت بودادك حدر لميسان
جلمة أنت بقصيدة وما يفكدونك
ينهر الشوك
يا ساكي العطاشى شلون يروونك
يبيرغ ما يطخ للكاع
أعرفك من يلاوونك
يتجاية عرب وسنين يردونك
آلاف القوافل كلها إلك قربان
وشحد اليمسونك
عراقي إنا
وعراقيتي الشمال
وركص بيها الهور
والموصل دمعتي وكرة عيونك
يدولاب الوكت وياي
احزن من يلومونك
واغنيك بشعر حزنان
واسمع الما يريدونك
واكتبلك حزن ذي قار
تدمع دم دمعها لشجونك

#عماد_عبد_الكاظم_العسكري (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل