شيفيد يَعبادي

ميسون نعيم الرومي

الحوار المتمدن-العدد: 4656 - 2014 / 12 / 8 - 00:14
المحور: الادب والفن
    

شـيـفـيـد يـَـعـبـادي
ميسون نعيم الرومي

شـيـفـيـد الكـَـشـف للباگ يـَـعـْـبادي
حـيـلـَـه للقـَـضاء اوإنـقــذ ابـلادي

شـَـعـب اويـنـتـظـر هالمنـَّـك اتحاسبْ
للباگ الوَطـَـن بالبـوگ مـتـمادي

خـايـن للأمانـَـه الچـان بالقــمـَّـه
يـقاضيـه القـَـضاء اوبيه مابادي

رشيده والشعب احكومه يريد اتصير
تقضي ع الفساد اويزهر الوادي

غـَـربـل بالسجون اونـَـفـّـذ الأحكام
للخان الشعـَـب للوَطـَـن وايـعـادي

شـيـفـيـد الكـَـشـف للباگ يـَـعـْـبادي
حـَـل جـَـذري يـريـد الشعب واينادي
***
تشخيص الغـَـلط واتعرفه كلهه الناس
نـنـطر للعلاج ( الناجـع ) الشـافي

ثـَـورَة عَ الفـَـساد انـريـد كـلنه اليوم
مو بـوسِ اللـِحـَـى اوتـَـفريچ الِچتافي

مو نگـعـِـد نِـطمطم بالمضَه والراحْ
لأن امن الرَبـُـع وانعگـدَت اشفافي

طلب منكم حَصانـَـه ابـدون اي احساب
والمَطـلـَـب يـناقـض فـقـه واعـرافي

مـَـتـضل هـيـچ هـذا يـنـكـتـب تاريخ
تاريخ البـَـشـَـر ماضَل أبـَـد غـافي

شـيـفـيـد الكـَـشـف للباگ يـَـعـْـبادي
وانـت ابـن العراق الچان متعافي
***
مَليـنـه الوعود اومن حچي الحكام
والكرسي يـنـَـسّي الحاكم اوعـوده

إذا ثـار الشعب ! الشعب مايرحم
بالفالـَـه يـهـد ! والحاله مـَـشهـوده

انـت ابـن العلم والشعب هالينخاك
تنصف كل يتيم اوامَّـه مَگـرودَه

بغـداد العـَـزيـزَه التطلب الإنـصاف
امن الضيم الهـَـضم بالهـَـضم مَچبودَه

إنصف هالشعب واتصير فوگ الراس
بـَـعـد الله تـكـون اوانـتَ مـَـعـْـبـودَه

البـاگ البَـلـَـد مَـكـشـوف يـَـعـْـبادي
مَـلـَـفـّـات الحـَـرام اوليـش مسدودَه

شـيـفـيـد الكـَـشـف للباگ يـَـعـْـبادي
حـيـلـَـه للقـَـضاء اوإنـقـذ ابـلادي
***
------------------------------------------------------
ديسمبر / 2014
ســــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل