جندى مصرى

حمدى السعيد سالم

الحوار المتمدن-العدد: 4615 - 2014 / 10 / 26 - 21:45
المحور: الادب والفن
    

أنا جندى مصرى سايب أهلى ...
ع الحدود ساكن تملى....
واقف بحمى أرضى وعرضى ...
وسﻼ-;-حى صاحى تملى ....
يحمى رمال بلدى ....
مصرى مجدع مش خايف ؟؟
أنا قلبى ميت وفى الحديد بفوت ....
ياجدع دا أنا تربيه أسود....
فى العسكريه علمونا مبدأ ....
الجدع ع الجنه يسبق ...
فى العريش زميلى مات وأندفن من سكات....
وأنا دورى أكيد فى يوم جاى.....
أمى هتبكى شويه وأبويا هيعيش مهموم ...
وأختى هتبكى لما تبص لسريرى ....
وتﻼ-;-قى بياده وبدله بدمى غرقانه......
وأخويا هيحزن لما يجى فرحه وانا مش جنبه زى ماوعدته....
وحبيبتى هتخاف تظهر دمعها ....
ويسألوها مالك معقول ....
تقول مات اللى كان بيحبها.....
كان أمير وساكن قلبها ....
كان حالف يعيش عمره جنبها....
سامحونى كلكم ......
مش بأيدى سبتكم ....
بلدى نادتنى مقدرتش أسيبها وحدها....
مين يسهر فى عز بردها ....
يدفي بسﻼ-;-حه أرضها ...
وبالبارود يغطى رملها ....
أمى هتﻼ-;-قى اللى يواسيها .....
وأبويا هيﻼ-;-قى فى دهره أخويا...
وأختى جوزها عن الدنيا هيغنيها ...
وحبيبتى ربنا يبعتلها اللى يحافظ عليها....
لكن بلدى مافيش غيرى يحميها ....
وأنا أكتر واحد أعرف اللى يرضيها....
ما هى البحر اللى ببرمى سرى فيها ...
وهى القلب اللى بشتكى همى ليها.....
وانا وقت الخطر احمى أراضيها .....
هى حبيبتى ...
ودمى مهرى ليها ...
اموت أنا وتعيش بلادى حره ومرفوعة الراس أمام اعاديها ...


حمدى السعيد سالم
صحافى ومحلل سياسى

#حمدى_السعيد_سالم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل