هبة عبده حسن
الحوار المتمدن-العدد: 4573 - 2014 / 9 / 13 - 19:09
المحور:
الادب والفن
فاطمة أنا وعيشة
ومريم وإيزيس
ماتقتلنيش
أنا أشريّة
ونور المعبد
أنا سرّه
ماتكفرنيش
أنا أم وجدة
وحفيدة
انا وردة
ماتقطفنيش
أنا أمك واختك
ومؤدبتك
أبلة مدرستك
إيه مابتختشيش؟
أنا سر الكون
أنا كاف أنا نون
أنا كل البعض
وكنه الوجد
أنا فرح الصيف
وربيعي جنون
وخريفي أمل
وشتايا حنون
أنا كل الكون
أنا نخلة
انا عمة
أنا خالة
انا ضلة
أنا شجرة زان
ماتقطعنيش
أنا حل ازاي
أنا إمتى وفين
وإجابة هل
فماتسألنيش
وماتكرهنيش
وماتقتلنيش
روح حب حياتك
وسيبني أعيش
#هبة_عبده_حسن (هاشتاغ)
كيف تدعم-ين الحوار المتمدن واليسار والعلمانية
على الانترنت؟