بالبلدى الفصيح :( لايصح إلا الصحيح )

حمدى السعيد سالم

الحوار المتمدن-العدد: 4504 - 2014 / 7 / 6 - 13:22
المحور: مواضيع وابحاث سياسية
    

نصيحة صغيره للشباب المتحمس على الفاضي وبيلعن فى الدولة واليوم اللى انتخبنا فيه السيسى ....
يا جماعة البلد لو وقعت ملهاش قومة تانى خلاص !!.
قبل ما تلطم وتولول على رفع الأسعار ...
أفهم عشان البلد مش مستحملة نكرر غبائنا فى يناير وننساق ونلبس تانى فى الاخوان أو السلفيين .....
الموازنة السنوية اللى بتعتمدها الدولة بتروح ثلاثة اربعاها للفوائد اللى على القروض ....
والربع الباقى بيتوجه لجميع نواحى ومجالات الحياة فى مصر من تعليم الى صحة ..الخ .....
وعشان الربع ده مابيكفيش أى حاجة بنضطر نقترض وبالتالى الديون والفوائد بتزيد سنة ورا سنة ورا سنة...
وده احد اسباب خلع مرسي لاننا رفضنا القرض من الصندوق الدولي اللي كان هيروح جيوبهم ويسبولنا الديون...!!
الحكومة عرضت على السيسي الموازنة بتاعة كل سنة وفيها الدعم السنوى والقروض بتاعة كل سنة....
قال لهم : "ماقدرش اعتمد الموازنة بالشكل دة ، احنا كدة بنأجل مواجهة المشكلة والأجيال الجاية حاتدفع الثمن"...
الحكومة قالت للسيسي: "الناس عندها أمل ولو رفعنا الأسعار عشان نسد الديون ونحل المشكلة ، الناس مش حاتستحمل "....
السيسي رفض الموازنة وقال لهم : "احنا مش حانعيش طول حياتنا نقترض ولا مادين ايدينا ، نيجى على نفسنا سنتين ونتحمل مع بعض ونسد ديوننا وبعدها نوجه الميزانية كلها لدعم البلد مش ربعها بس .. لايصح الا الصحيح".....
ولو سمعت كلامكم حانبقى بنبص تحت رجلينا وبنضيع مستقبل البلد دى .....
نستحمل كلنا سنتين تعب نسد ديوننا وبعدها الميزانية كلها حاتبقى ملك الشعب ده .. إنما حانفضل مادين ايدينا لحد امتى؟....
السيسي كان أسهل له يعتمد الموازنة الجديدة ويضحك على الناس بدعم اكتر وقروض أكتر والناس حاتعمل له تمثال دهب....
بس حاييجى يوم علي مصر مش حاتقدر تسدد ديونها ودة حايبقى يوم قريب ودة اللى الاخوان فاهمينه كويس وعشان كدة بيسخنوك عشان ترفض رفع الأسعار على السلع المدعمة....
بالنسبة للفقير العاجز عن المساهمة دة شغلانة الحكومة الفترة اللى جاية :
السيسي عمل حد أقصى للأجور والفائض نزل بيه لحمة وفراخ على بطاقة التموين....
السيسي عمل صندوق تحيا مصر عشان يوجهه لدعم الفقراء ....
لكن رجال الأعمال رفضوا يدفعوا ....
السيسي فرض على رجال الأعمال ضريبة على ارباح البورصة عشان يجبرهم على المساهمة وينقل خير مصر من الغنى للفقير وهكذا .....
على صعيد أخر اﻻ-;-خوان استغلوا غباء حكومة محلب وسوء التوقيت فى رفع اسعار البنزين والغاز رغم أن قرار الغاء الدعم على البنزين سليم مائة فى المائة لكن التوقيت سىء جدااااااااا , واصبحوا يفتعلون المشاجرات فى طوابير اﻻ-;-نتظار فى البنزينات لزيادة اﻻ-;-حتقان والسخط على حكومة محلب الغبية التى حفرت قبرها بيدها .....
من المسئول عن هذا العبث...
اﻻ-;-خوان يراهنون على ثورة يقوم بها الفقراء فى ظل هذا الغباء الحكومى فى توقيتات اتخاذ القرار.....
مع أن قرار رفع الدعم خطوة إيجابية جداً وكويسة جداً علي المستقبل القريب وليس البعيد...
المهم أن يصحبه عدة قرارات مماثلة في تحسين وضع وعيشة الموظفين المصريين منعاً للهوجة ودرءاً للفساد من ناحية أخري ....
لكن السيسي أتصرف غلط لأنه مينفعش تاخدها قفش كدة قبل ما توفر مرتبات محترمة وتضمن عيشة محترمة للناس التعبانة والموظفين الغلابة قبل قرار خطير زي دة.....،
البلد ميزانيتها بتقع معاك، متتصرفش كدة لأنك كدة بتخلي الموظف يتجه للفساد أكتر من أنه يشتغل بضمير.......،
لكن لو زودت المرتبات والمعاشات وأقريت الحد الأقصي والأدني للأجور الأول....
ساعتها الوضع ماكنش هيبقي بالتهويل اللي حاصل دة .....
ويجب ان تعلموا ان السيسى لن يفرض ضريبة على المصريين فى الخارج الا اللى مشروعهم الرئيس فى مصر....
ولا السيسي حايفرض ضريبة على السكن الإضافى الخاص الا اذا كان قيمته فوق2 مليون جنيه "يعنى الغنى جدا بس هو اللى حايدفع ....
وجع ساعة ولا كل ساعة .....
صبر سنتين بدلا من انتظار السقوط نحو الهاوية...
ساعدوا السيسي فى العمل والبناء بدل ما حاتتهد على دماغنا كلنا ومحدش حايكسب منها حاجة وكفاية نقل اشاعات يومية تجرى على لسان الاخوان و6 ابريل ....
ياريت الرسالة تكون وصلت.....

حمدى السعيد سالم
صحافى ومحلل سياسى

#حمدى_السعيد_سالم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل