الفرق بين كم المشاركة وكم التصويت

حمدى السعيد سالم

الحوار المتمدن-العدد: 4469 - 2014 / 5 / 31 - 12:55
المحور: مواضيع وابحاث سياسية
    

العيال الكولجية ليسوا ثوارا....
أنهم ظاهرة صوتية و ليست لهم قيمة و لا يعرفوا حتى قيم الحريات و الديموقراطية.....
المشكلة ان العيال دي كل اللي بيحركهم مشاعرهم الطفولية نحو التمرد و الثورة و الوهم، و دا يخلي اي حد قادر على توجيههم زي ما الاخوان و غيرهم بيعملوا....
كان من الممكن ان يحشدوا للتصويت الباطل و بهذا يحققوا رسالة المشاركة السلبية ....
و لو كان لهم وزن كنا عرفنا حجمهم بعدد الأصوات الباطلة ......
يعنى مثلا اذا حشدوا و قدروا يحققوا ١-;-٢-;- مليون صوت باطل .....
كان بقي ساعتها لهم حق يتكلموا و الناس تحس ان لهم وزن وثقل سياسى .....
و كانت هتبقى رسالة للعالم كله يعرف ان هناك فعلا معارضة.....
لكن هم عارفين كويس ان مهما عملوا كانوا لن يزيدوا عن بضع آلاف من الأصوات الباطلة عمدا...
محدش يقولي مليون صوت باطل وكدا لأن نصف المليون لم يبطل صوته عمدا إنما جهلا...
ومهما قولتوا عن نسبة المشاركة اللى انتوا مش عارفين تفهموها سياسيا وجريتوا وراها اعلاميا...
تعالوا أفهمكم سياسة يا للى اتحرمتوا من التعليم الفرصة لسه قدامكم ....
من غير ما تدفع ولا مليم (حمدى) ناوى يعلمكم !!...
لقد حصل السيسى على اكبر نسبة اصوات على مر التاريخ....
ولا عمر قائد او رئيس حصل على النسبة دى فى العالم ....
26 مليون تقريباصوت حصل عليهم حتى الان وحده بفضل الله وشعب وراه....
مرسى وقت اتحاد الثوار النكسجية بتوع الدولارات والورق الاخضر مع الاخوان مع المغرر بهم مع بتوع اللمون حصل على 13 مليون وشفيق 12 ونص مليون....
يعنى السيسى حصل على نسبة اعلى منهم هما الاتنين متجمعين....
أما بالنسبة لموضوع قلة المشاركة....
لازم نفهم اولا الفرق بين كم المشاركة وكم التصويت فى علوم السياسة ....
المشاركة كانت اقل لسببين لا تالت لهم :
الاول :هو زيادة عدد اللجان وتوزيع الناس بشكل افضل بدليل ان الاغلبية كانت بتنتخب فى دقيقة وتمشى ....
التانى: هو مقاطعة انصار الطرف المنافس....
يعنى من يجب أن يُسألوا عن قلة المشاركة هم انصار الطرف الاخر !!....
اما بقى كم التصويت فرغم قلة المشاركة....
فهى اكبر نسبة تصويت حصل عليها شخص على مر التاريخ.....
يعنى رغم القلة المشاركة بالنسبة للأنتخابات السابقة الا ان مفيش اى مرشح قدر يحصل على 26 مليون صوت على مر التاريخ مش فى مصر بس بل فى العالم أجمع !!...
كلنا فاكرين ان مرسى ايام ما اتحد الثوار مع الاخوان مع المغرر بهم مع اللى عصر اللمون وفى عز الثورة حصل على 13 مليون صوت مقابل 12 ونصف لشفيق.....
يعنى مع قلة مشاركة الطرف التانى حصل السيسى على ضعف الملايين بتاعة مرسى مع الاعتذار للمقارنة اساسا ولكن للتوضيح فقط....
قلة المشاركة يسأل عنها المقاطعون اللى تخلوا عمن يحب أن يصف نفسه أنه مرشح الثورة فى الوقت اللى عصروا لمون على مرشح الاخوان ولبسوه زى ثورى علشان خاطر الثورة زى ما بيقولوا....
اما أنصار السيسى فهم لم ولن يتخلوا عن مرشحهم ومحصلش منهم اى قلة مشاركة
بل على العكس باتت النساء على دموع وبات الرجال على هم....
لمجرد احساسهم بالتقصير اللى حاول الاعلام انه يروج له بمنتهى الغباء وعدم الحنكة السياسية اللى بتدل على ان فعلا بتاع البطاطا والعامل البسيط بيفهم سياسة اكتر منهم...
وابقوا سلمولى على خيرى بتنجان وافتكاساته التى تدل على مراهقة سياسية وغباء منقطع النظير ....
وكمان سلمولى على الجهبذ اللى عامل فيها سبع رجالة فى بعض ( توفيق عفاشة) الذى أقنع الناس أن نسبة المشاركة ضعيفة وكان عاوز يقلع ملط !!!
ياعم أقعد فى جنب وبطل جهل ولا تدع جهلك يتسرب الى من حولك ....
هؤلاء ادعوا الوطنية وهم أبعد عن الوطنية ...
وحقا كما قال اوسكار وايلد :( الوطنية هى فضيلة الفاسدين )...
حقا نكبتنا فى اعلامنا الغبى المغيب الذى لايفهم الفرق بين الكوع والكرسوع !!!
لقد قلت لكم من قبل اقفلوا التلفزيونات دول شوية بهايم لايفهمون فى السياسة ....
اعلامنا فعلا ماعندوش اى حرفية او مهنية علشان يعرف ايه اللى يتقال وامتى يتقال ....

حمدى السعيد سالم
صحافى ومحلل سياسى

#حمدى_السعيد_سالم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات