هنا احنا زى علامات التنوين

إيرينى سمير حكيم
كاتبة وفنانة ومخرجة
(Ereiny Samir Hakim)

الحوار المتمدن-العدد: 4490 - 2014 / 6 / 22 - 00:16
المحور: الادب والفن
    

احنا ايه احنا؟

احنا ايه؟

احنا اللى هنا مفروض نكون بنى ادمين

فى الواقع احنا عاملين زى علامات التنوين

ممكن تكتبها يا فندم

وممكن متقرهاش يا بيه

ماهو كله فى العامية بيتفك

اصل كله فى مجتمعنا بيُنتَهك

وعلى يدك اهو كله فى الشارع مباح

ولما تتكلم بحقك واللا تصرخ مالالم

يقولوا حقك عليك خلاص كده راح

اقوللك يا صاحبي على سر ولا تبوح

واللا اقوللك قول

ماهو كده واللا كده بقى مفضوح

من الاخر هنا مبيهتموش هما مين

ولا بيهتموا قيمة مكان حياتهم اللى عايشينها تبقى فين

واللى يهتم منهم بيخونوه

او بيتلموا على منطقه ينهشوه

وعلى احساسه يذللوه

بيتكاترو عاللى بيهتم يسخروا منه لحد ما يكسروه

اوعى تفتكر

ان بجد وبحق وحقيقي هنا للمذنب فى عقاب

لا ابدا ده احنا بنهوى ردم الاسباب

وخلاص بقت بتزاحمنا الالقاب

والبنى ادم فيها تاه وغاب

والانسانية رجعت تانى بقت تراب

زيها زى علامات التنوين

اللى بقت فكلامنا مالهاش حساب

ولو فتحت بقك تتوجع مالهم والاستستلام

يقولولك ايه هو انت فاكر نفسك فارس على حصان؟

ما الهم مش طايلك لوحدك وطايل الكل مفيش كلام

ماتشغلش بالك

ادينا عايشين واقع كله كلام فى كلام

والحقيقة فيه بقت اى حاجة فأى كلام

ماتشغلش بالك مدام بتاكل رغيفك

ومهما بيحصلك فى يومك بترجع تنام

متغشلش نفسك بغيرك

سيبك من فكرة التغيير وكفاياك احلام

والحقيقة اللى بقينا عليها يا صاحبي

اننا مجرد اسامى فبطايق

زى علامات التنوين فى الكتب

انما فى الواقع معادش لها لازمة فالكلام

#إيرينى_سمير_حكيم (هاشتاغ)       Ereiny_Samir_Hakim#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل