تغريدة الاربعاء: حكمة الحصيني

ابراهيم الخياط

الحوار المتمدن-العدد: 4479 - 2014 / 6 / 11 - 09:18
المحور: المجتمع المدني
    

كان الهمّ باديا على محيا الحاج (جار الله) وهو يشكو من مرض العملية السياسية، لأنه يرى بأم عينيه (التكالب) على المناصب والمكاسب والوزارات من جانب تجار السياسة الذين ثقلت جيوبهم بأطنان من الذهب والفضة والنفط والخطايا، ولم يعد ثمة متسع لمثقال حياء أو حرص على الأهل الواقفين طوابير على شفا المثرمة اليومية.
وما زاد من هموم الحاج (جار الله) الوجيه في (سبع اقصور) ومنطقة (سيد ادريس)، ذلك التشييع الرهيب لضحايا التفجير الارهابي في الكرادة قبل يومين. كان الشهداء باقة من اسرة جيرانه، وقد بكى من كل قلبه، وبحرقة تشبه حرقة بكائه على ولده (غازي) يوم قتله الحرس القومي في الشارع المغدور ذاته.
اليوم صباحا، كان الحاج جالسا على عتبة بيته العتيق، فأراد (بهلول) أن يخفف من معاناته. وحيلة (بهلول) في مواقف كهذه هي أن يسأله عن معنى أبوذية ما أو شرح زهيري أو قص حكاية مَثَل او أغنية منسية. فيسترسل الحاج ويستفيد (بهلول) وتنجلي الهموم ولو الى حين.
قال بهلول: عمي الحجي، الف رحمة على روح غازي، ما تكلي شنو قصة المثل (الناس ويّه الواگف).
فأوضح الحاج:
(فد يوم الحصيني طلع للصيد، ظل يدور هنا وهناك بس ما حالفه الحظ، ولمن دكه الجوع والتعب، شاف أفضل شي أن يحصل على رزقه بالحيلة. ملك الغابة كان أسد عجوز. فراح عليه وكال: ياملك الوحوش.. تره أحسن دُوَه إلك گلب المطي ودماغه ولسانه.. وآني شفت بطريقي فد زمال أثول.. أغبر.. نايم بالطريق.. فلو جنابك توصل يمّه، تگدر تصيده بضربة وحدة.. وتاكل منه اللسان والگلب والمخ.. وتخلّي اللّشة لداعيك).
صدّك الأسد كلام الحصيني، وجمع باقي ما عنده من قوة ونهض ومشى. ولمن شاف ما عنده ذاك الحيل، فكر أن يهجم على الحمار من وره ويعضه ويبطحه على الكاع.
لكن الأسد لمن صار خلف الحمار، الحمار حسّ، فجمع حوافر رجليه اثنيناتهن وزكط بيهن الأسد وضربه على كصته.. وكع الأسد وغاب عن الوعي. وبعد شويه لما انتبه.. سمع الحصيني يكول للحمار وهو منحني كدامه: عيني زمال أفندي.. تره انته زين سوّيت.. عاش حافرك على هذا الزوج المضبوط.. وبالمناسبة تره انته عندك صوت ظريف.. وطبع لطيف.. وقوام جميل.. وذيل طويل.
إهنا صاح الأسد: وُلَك أبو الحصين.. ملعون.. شِنو هاللغوه؟ .. شِنو هالتملّق؟ فجاوبه: مولانا الأسد.. "الناس ويّه الواگف".. ولمّنْ يوگع الواگف يدَورون على واحد واگف غيره.. وِيصيرون وِيّاه.
بلحظتهه نب "بهلول" من مكانه وكال: والله صحيح حاج، دتشوفهم النواب؟ ويه الواگف!

#ابراهيم_الخياط (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل