التغير والتزوير يساوي خوجه علي ملا علي

ماجد العذاري

الحوار المتمدن-العدد: 4449 - 2014 / 5 / 10 - 01:55
المحور: كتابات ساخرة
    

قبل 30-4-2014 قامت الدنيا وقعدت في العراق الكل اتصيح التغير من بيياع الكرفس الى سائق السايبه الى موظف الاستعلامات الى المسعول السياسي - زين اغاتي شنو التغير ومنو الي راح يتغير اذا 70 بالمائة من الوجوه السابقة التي خمط وشفطت ولفطت الملايين من اموال العراق هي الي امرشحه نفسها والباقين البعض منهم وجوه جديدة تحت خيمة الوجوه القديمة - بعد ان تم تدريسهم على فنون السرقة التي جربوها اسيادهم واخذ بعين الاعتبار الاخطاء التي حصلت في سرقاتهم - واستعملوا شعارات جديدة لابعاد الشك عن انهم منبطحين او مستعمرين للوجوه السابقة - تنوعت توزيع الهدايا لا بطانيات ولا صوبات بل اصبحت قطع اراضي وسندات الطابو جاهزة - الكل يريد التغير - على شنو ومنو ولويش هل المليارات الي صرفتوها على الاعلانات والدعاية والخبصة وقطع الارزاق وممنوع التجول - المفوضية جابت جهاز راسا يحمى ويكوم يفور عبالك الفلوكا ايام زمان لو اللادا ايام زمان واشكد صرفوا عليه افلوس البطاقات الالكترونية وجيب البطاقة وودي البطاقة - والموفضية بعد ما عدو الاصوات صاحو خوجه علي اخذ 99 و9 بالعشرة من الاصوات وملا علي اخذ 99 و9 بالعشرة من الاصوات وعبود ابو البخصم اخذ 99و9 بالعشرة من الاصوات ودعبول ابو الصمون اخذ 99 و9 بالعشرة من الاصوات وزناد الفيتر اخذ 99 و9 بالعشرة من الاصوات وجيقو البكال اخذ 99 و9 بالعشرة من الاصوات وكناوي المطهرجي اخذ 99 و9 بالعشرة من الاصوات وما داري منو ابن ما ادري منو اخذ 99 و9 بالعشرة من الاصوات ----- زين يا موفضية اذا قبل العد هلكد اخذو اصوات بعد عليش متعبين الناس ومدوخين الشعب بالنائج مو انتم خصمتوها الي كدام بعد ليش ننتظر يا اغاتي امبينه النتيجة - زين وين راحت الاصوات الي ما انتخبت خوجه علي ولا ملا علي ولا عبود ابو البخصم ولا دعبول ابو الصمون ولا زناد الفيتر ولا كناوي المطهرجي - هي هاي انتخاباتكم وهاي نتائجكم خو جان تلغون الانتخابات بنقلاب عسكري وبيان رقم واحد وهم رجعوا مجلس قيادة الثورة فد 40 سنة من جديد وهل المليارات الي انصرفت على التغير والتزوير اوزعها على عباد الله الي دمرتوهم بكلماتكم وخطاباتكم وتصرفاتكم الهوجاء العرجاء --- وفي الاخير اود ان اسئل لمن يعرف الى متى تبقى هذه العبارة نسمعها ونقراْها يوميا ---- أن "قوة امنية طوقت مكان الحادث، ونقلت الجثة الى الطب العدلي، وفتحت تحقيقاً لمعرفة ملابسات الحادث" اشوكت راح نعرف نتائج التحقيق في السرقات والانفجارات - لك الله يا عراق ولعنة الله على كل من سبب و يسبب في دمار العراق من السابقين والحاليين والذين في دور الانتظار للوصول الى كراسي البرلمان

#ماجد_العذاري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل