الف رحمة على روحك شلش ... اكو ناس محتاجة كلات

حسن سامي

الحوار المتمدن-العدد: 4447 - 2014 / 5 / 8 - 19:37
المحور: مواضيع وابحاث سياسية
    

الي ما يعرف شلش خل يسأل اهل الخصيمة (حي في مركز الديوانية) ... شلش واحد من شجعان الخصيمة .. بعد عمكم اتكول دنكة كونكريت مسلح ام 60 سنتمتر مربع و تمشي بالشارع .. المهم شلش جان صاحب غيرة و كصته تعرك على المنطقة و عنده وفة للصحبة صارت مضرب امثال خوة شلش و رزاق صبر الله يرحمة ... هاي الخوة خوة حياة و اموت .. يوم الي اسشتهد شلش بحرب ايران .. سمعت يكول رزاق شلي بالدنيا من غيرك و سواها كول فعل ما طول هواية رزاق بعد شلش هم اجة ملفوف بالعلم الي انلفت بي خيرة شبابنة...
القوة الجسمانية الي جان شايلها شلش يكولون قوة محمود ناصر الله يرحمه .. و عندة راس اتكول كيلة مال حفارة .. فد يوم اتراهن حميد اربيع الله يرحمه و يه شلش كل واحد يضرب( المطي) كله براسة .. الي يدوخ المطي هو الفايز ... الضربة الاولى جانت الشلش وراها خر (المطي) و مات . اويلي جم واحد اليوم محتاج كلتك شلش..
شلش جان يحب الافلام الهندية .. فد يوم طبيت الفلم الشعلة بالسيلما .. و من خلص الفلم كلت اتمشى للبيت وية الشط .. بالطريق لزموني جماعة كتلوني كتلة تمام و اخذو افلوسي ( لا احد يسألني منين ذولة الجامعة خاف الحجي يزعل).. ركضت للمنطقة دماتي تتجاره و دموعي غسلت وجهي .. لاكاني شلش يم المكاين مال الماي راكب بايسكل .. كالي ولك شبيك .. كتله ال فلان كتلوني .. كالي بسيطة تعال اكعد هنا و راح اراويك شراح اسوي بيهم .. و رة اشوية اجة شلش و رزاق و نجاح بن حسن ناجي راكبين حصونة و بيدهم ابطالة نفط .. كتله ها شلش شتريد اتسوي .. كال الله احرك بيوتهم مثل ما حرك جبار سينغ بيت ميتاب ( لقطة في فلم الشعلة ) .. بهاي الاثناء اجة ياسين الشرطي و الحجي الجحيلي و حجي شريف الله يرحمهم ... جلبوا بشلش عن لا يحرك ابيوت الوادم .. و شلش ايصيح طكوا ابن منطقتنا ... ما عدنه غيره اذا ما ناخذ بثارة ..
انخة من الحسين و انه مفرع الساعة .. الساعة .. يودي واحد عند صماخ مثل صماخ و غيرة شلش على كل واحد ما احترم قرار اغلبية هذا الشعب و كام يفلت عالفيس ... بلكي هاي الكلة اجعدة بمجانة .. هيجي و يطلعلهم شلش هالساع و يطبق عليهم فلم الشعلة فرضة و شعيرة. ولكم هي كطرة اذا طاحت طاح حظكم .. جا ما عدكم غيرة شلش
ملاحظة: لا اقصد الاساءة الى اي شخص و لا احرض على القتل او الضرب و لكني اريد ان اوصل رسلالة لكل من يسيء الى العراقيين اننا بدأنا لا نتحمل اساءاتكم و سقاطاتكم و سفالتكم ... ان كان هذا الشعب لا يعجبكم فغادروا البلاد الى حيثما تشاؤون و تجدون انفسكم .. اكلكم يمكن الهجرة لاستراليا مفتوحة
‎الف رحمة على روحك شلش ... اكو ناس محتاجة كلات

الي ما يعرف شلش خل يسأل اهل الخصيمة (حي في مركز الديوانية) ... شلش واحد من شجعان الخصيمة .. بعد عمكم اتكول دنكة كونكريت مسلح ام 60 سنتمتر مربع و تمشي بالشارع .. المهم شلش جان صاحب غيرة و كصته تعرك على المنطقة و عنده وفة للصحبة صارت مضرب امثال خوة شلش و رزاق صبر الله يرحمة ... هاي الخوة خوة حياة و اموت .. يوم الي اسشتهد شلش بحرب ايران .. سمعت يكول رزاق شلي بالدنيا من غيرك و سواها كول فعل ما طول هواية رزاق بعد شلش هم اجة ملفوف بالعلم الي انلفت بي خيرة شبابنة...
القوة الجسمانية الي جان شايلها شلش يكولون قوة محمود ناصر الله يرحمه .. و عندة راس اتكول كيلة مال حفارة .. فد يوم اتراهن حميد اربيع الله يرحمه و يه شلش كل واحد يضرب( المطي) كله براسة .. الي يدوخ المطي هو الفايز ... الضربة الاولى جانت الشلش وراها خر (المطي) و مات . اويلي جم واحد اليوم محتاج كلتك شلش..

شلش جان يحب الافلام الهندية .. فد يوم طبيت الفلم الشعلة بالسيلما .. و من خلص الفلم كلت اتمشى للبيت وية الشط .. بالطريق لزموني جماعة كتلوني كتلة تمام و اخذو افلوسي ( لا احد يسألني منين ذولة الجامعة خاف الحجي يزعل).. ركضت للمنطقة دماتي تتجاره و دموعي غسلت وجهي .. لاكاني شلش يم المكاين مال الماي راكب بايسكل .. كالي ولك شبيك .. كتله ال فلان كتلوني .. كالي بسيطة تعال اكعد هنا و راح اراويك شراح اسوي بيهم .. و رة اشوية اجة شلش و رزاق و نجاح بن حسن ناجي راكبين حصونة و بيدهم ابطالة نفط .. كتله ها شلش شتريد اتسوي .. كال الله احرك بيوتهم مثل ما حرك جبار سينغ بيت ميتاب ( لقطة في فلم الشعلة ) .. بهاي الاثناء اجة ياسين الشرطي و الحجي الجحيلي و حجي شريف الله يرحمهم ... جلبوا بشلش عن لا يحرك ابيوت الوادم .. و شلش ايصيح طكوا ابن منطقتنا ... ما عدنه غيره اذا ما ناخذ بثارة ..

انخة من الحسين و انه مفرع الساعة .. الساعة .. يودي واحد عند صماخ مثل صماخ و غيرة شلش على كل واحد ما احترم قرار اغلبية هذا الشعب و كام يفلت عالفيس ... بلكي هاي الكلة اجعدة بمجانة .. هيجي و يطلعلهم شلش هالساع و يطبق عليهم فلم الشعلة فرضة و شعيرة. ولكم هي كطرة اذا طاحت طاح حظكم .. جا ما عدكم غيرة شلش

ملاحظة: لا اقصد الاساءة الى اي شخص و لا احرض على القتل او الضرب و لكني اريد ان اوصل رسلالة لكل من يسيء الى العراقيين اننا بدأنا لا نتحمل اساءاتكم و سقاطاتكم و سفالتكم ... ان كان هذا الشعب لا يعجبكم فغادروا البلاد الى حيثما تشاؤون و تجدون انفسكم .. اكلكم يمكن الهجرة لاستراليا مفتوحة‎

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل