البلد ما تهزو واقف عشوار(لهجة لبنانية)

جوزيف حنا

الحوار المتمدن-العدد: 4447 - 2014 / 5 / 8 - 15:22
المحور: الادب والفن
    

البلد ما تهزو واقف عشوار
وكل سياسي من خصمو بغار . المعركة السياسية حامية الوطيس ,
كل واحد عمتراسو مغوار .

البلد ماشي صوب المهوار ,
والمنقذين عالتلفزيون غطوا كل البرامج والأخبار .
كلن منزلين ,
نضاف الكف ما في علين غبار .

السياسة العامة مشروع انتحار.
وبين الأخ والشقيقة المواطن محتار . وإذا سألت المسؤولين شو صار . بيحكوا عن التسيب والاستهتار

كنت اسهر بالليل ونام بالنهار .
هلق خايف نام وقوم..
ولاقي البلد مثل العصفور من بين ايدينا طار .

ومن مازوت السيارات صار الهوى شحتار.
والشوفورية عميلعنوا هالكار .
قتل النفس جريمة ,
بس بالمازوت صار هين الانتحار

والضريبة المضافة كانت أحلى هدية للتجار,
لا مراقب ولا شحار .
الضريبة زادت عالناس وعالحجار .
البنزين أسعارو متل النار .
يمكن صار قريب نترك السيارات ونرجع عالحمار .

العيشة بهالبلد صارت مُرةَ بس غيرو ما فينا نختار .
وطناَ رحّ يبقى مهما الزمن علينا دار
كلنا ناطرين يوم الفرج ويرجع الفرح عهالدار.

#جوزيف_حنا (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل