حُماري بينَهَق

موريس رمسيس

الحوار المتمدن-العدد: 4433 - 2014 / 4 / 24 - 20:42
المحور: الادب والفن
    

حُماري عيان شكله زعلان يمكن سهران .. لأ مش سكران .. صاحى على طول عامل اضراب .. رافض الأكل و كمان الشُرب .. مَاسَكُه الاحباط نايم على الأرض شكله همدان
:
حُماري ده بجد حمار ابن أصول .. عَمَال يِنَهَق و يقول .. أنا عايز أعيش حمار على طول
:
حُماري بيزمجر لما بيسمع نباح الكلب .. يناديه و يقول .. الهوو الهوو هو الهاوو .. يشوف الجميع يقفوا وراه .. يِهِللوا بالصوت و يقولوا معاه.. الهوو الهاوو و مفيش غيره هو الهاوو هاوو
:
فى الفجر مرة فى الضهر مرة و فى كل مرة يقلق حُماري من منامه .. فيضطر يصحى من النوم و يقوم .. عشان ينهق و يقول .. انا حابب أعيش حمار على طول
:
حُماري ساب له الحارة و بَعدَ عنه .. يمكن عشان يفهم و يحس .. انهُ حمار دايماَ شَقيان من غير ما ينام .. يِعطَلَ ما ينتج و يِفضل يِخس
:
يروح وَراه فى كل حتِه .. قاعد يهوو هاو واقف يهوو هاوو .. فى كل مرة يلتفوا حوله و يقولوا معاه .. هاوو هاوو عليه و كمان هاو
:
حُماري رَاحَلُه و قَابلُهَ .. نَهَقَ فيه متحديه .. كَلَمُه كلام بالعقل و قال .. انا حمار حعيش حمار و اموت حمار .. و مش حا هوو هوو عليه و لا هوو

ــــــــــــــــــــــــــــــ
موريس رمسيس ابريل 2014

#موريس_رمسيس (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات